پاريجدە ءوتىپ جاتقان جازعى وليمپيادا ويىندارىندا بوكستان العاشقى جەكپە-جەگىن وتكىزگەن كوماندا كاپيتانى اسلانبەك شىمبەرگەنوۆ جەڭىلىپ قالدى، دەپ حابارلايدى "ادىرنا" ۇلتتىق پورتالى.
71 كەلىگەن دەيىنگى سالماقتا ونەر كورسەتەتىن قازاق بوكسشىسى 1/16 فينالدىق كەزەڭدەگى كەزدەسۋىن نيگەريالىق زەياد يشايشپەن وتكىزگەن ەدى. الايدا سپورتشى قارسىلاسىنا جول بەرىپ، جارىس جولىن اياقتادى.
ءبىرىنشى راۋندتى تورەشىلەر 3:2 ەسەبىمەن اسلانبەككە بەرگەن. ەكىنشى راۋندتا دا وسى ەسەپ ساقتالدى.
ال ۇشىنشى راۋندتا قارسىلاس بەلسەندى قيمىلداپ، جەڭىسكە جەتتى.
