جامبىل وبلىسىنىڭ پوليتسيا دەپارتامەنتى تاراز قالاسىنىڭ اۋماعىندا پايداكۇنەمدىك-زورلىق سيپاتتاعى قىلمىس جاساعانى ءۇشىن 28 جاستاعى ەر ادامعا ىزدەۋ سالدى، دەپ حابارلايدى «ادىرنا» ءتىلشىسى.
پد مالىمەتىنشە، كۇدىكتى پوليتسيا بولىمىنە جەتكىزىلگەن سوڭ اجەتحاناعا شىعىپ، ودان ءارى قاشىپ كەتكەن.
«03.11.1995 جىلى تۋعان قانات دوعدىرحانۇلى بەكەنگە ىزدەۋ سالىنادى. بەلگىلەرى: بويى – 168 سم، دەنە ءبىتىمى – ارىق، قارا شاشتى، بەتى سوپاقشا، قۇلاعى ۇلكەن، ءسال قالقيعان، ورتاشا مۇرىندى، سول جاققا قيسايعان، ەرنى ۇلكەنىرەك»،—دەلىنگەن حابارلامادا.
ەر ادام «Nike» جازۋى بار قارا قالپاق، كوك ءتۇستى جەيدە جانە قارا ءتۇستى سپورتتىق شالبار كيگەن.
ىزدەۋدە جۇرگەن ادامنىڭ ورنالاسقان جەرى تۋرالى اقپارات بىلەتىن ازاماتتاردى پوليتسيانىڭ كەلەسى نومىرلەرىنە حابارلاسۋىن سۇرايمىز: 8(7262) 99-70-10, 99-77-05, 8700-200-07-00, 8775-511-17-77, 8771-231-70-00, 8700-958-61-31.
