ۇيعىر ماسەلەسى قازاققا كەرەك پە؟!

5155
Adyrna.kz Telegram

جاڭا مەن وسىندا ءبىر دوسىمنىڭ پاراقشاسىنان سەرىكجان ءبىلاش دەگەن ادامنىڭ قاسىنا ەكى - ءۇش بىلگىشتەردى جيناپ الىپ ۇيعىرلاردىڭ كۇيىن كۇيتتەپ بىلگىشسىنىپ وتىرعانىن كوزىم شالىپ قالدى.
بۇل (تىرناقشا ىشىندەگى) "ستراتەگتەر" "ۇيعىرلاردى وسىندا الدىرايىق، بۇلارمەن قىتايعا قارسى بىرىگەيىك" دەپ كوسىلىپ سىلتەپ وتىر ەكەن.
جالپى، قىتاي ءۇشىن "تيبەت ماسەلەسى", "ۇيعىر ماسەلەسى" دەگەن نارسە - ونىڭ ەڭ جاندى جەرى. ەڭ جاندى. مىنا "ستراتەگتەر" الدە ادەيى ىستەي مە، الدە ناداندىعى ما، سول كوتەندى ءتۇرتىپ ويناپ وتىر. "تىنىش وتقان بۇركىتتى" دەمەكشى..
سىزدەر وسى كەزىندە (60 جىلدارى) قىتايدىڭ تيبەت ءۇشىن ءۇندىستان مەملەكەتىمەن اشىق جانجالعا بارىپ، وسى ەلمەن سوعىسقانىن بىلەسىزدەر مە؟ ءۇندىستان قىتايدان قاشقان تيبەتتىكتەرگە باسپانا بەرگەن ەدى، قىتاي وعان كادىمگىدەي سوعىس سالدى.
ال ەندى وسى ءۇندىستانىڭىز، ميللياردقا جۋىقتاپ قالعان حالقى بار ۇلكەەەن ايماقتىق يادرولىق دەرجاۆا عوي، سوعان قاراماستان قىتايىڭ وعان ات قويدى.
ال ەندى بۇگىندە ءبىز كىم، قىتاي كىم؟ ءبىز ادام سانى جاعىنان قىتايدىڭ شانحاي قالاسىنىڭ سانىنا دا جەتپەيتىن مەملەكەتپىز. ال اسكەرىمىزدىڭ جايى دا بەلگىلى... ياعني، ءپىل مەن شىبىن.
ەكونوميكا، باسقا جاعى دا بەلگىلى... ەندى وسىنداي جاعدايداعى ءبىز، سول ۇيعىرلاردىڭ جوقتاۋشىسى بولادى دەگەنگە ءسىز سەنەسىز بە؟
ەندى وسىنى سەرىكجان دەگەن كىسىمەن، ونىڭ قاسىنداعى بىلگىشتەرى بىلمەيدى دەگەنگە شە؟
ەندەشە بۇلاردىڭ نە كوكسەگەنى بار؟ بۇلاردىڭ جالپى ءبىزدىڭ ەلىمىزگە دەگەن نيەتى ادال ما، ونى كىم بىلگەن....
باياعىدا ءبىر بيگە بالاعا تالاسقان ەكى ايەل كەلەدى. ەكەۋى "بالا مەنىكى دە مەنىكى" دەپ تۇرىپ الادى. بي قالىڭ ويعا شومعان سوڭ، "ەندەشە ەكەۋىڭە بالانى ورتاسىنان ءبولىپ بەرەمىن" دەپ ايبالتاسىن الا بەرگەندە، ءبىر ايەل بەتپاقتانىپ "بولسەڭ ءبول" دەپ بەدىرەيىپ تۇر ەكەن. ال ەكىنشى بەيباق ايەل، "بيەكەم، قۇلدىعىڭ كەتەيىن بالاعا تيە كورمەڭىز، قايدا بولسا دا امان بولسىن، مەنىڭ تالاسىم جوق" دەپ ازار دا بەزەر بوپ سىلق ەتە قالسا كەرەك. ونى كورگەن بي، "بالانىڭ اناسى سەنسىڭ، ال بالاڭدى" دەپ بۇيىرعان ەكەن.
كەيدە ماعان كۇنى كەشە عانا ەلگە ورالىپ ەلىمىزدىڭ ازاماتتىعىن العانىنا ءبىر - ەكى جىل عانا بولعان وسى سەرىكجاندار، ماسەلە قازاق ەلىنىڭ بولاشاعىنا، تاعدىرىنا تىرەلگەندە سول بەدىرەيگەن وگەي انانىڭ قىلىعىن ىستەيتىندەي كورىنەدى. "بەرسەڭ قولىڭنان بەرمەسەڭ جولىڭنان" دەپ ءبىر سۇمدىققا باستاپ تەپسىنىپ تۇرعانداي كورىنەدى وسى دۇرمەك.
سوندىقتان قۇرمەتتى قازاعىم، ەلدىڭ بولاشاعىنا راس الاڭداساڭىز، ونىڭ تاعدىرىن كولدەنەڭ كوك اتتى، سۇرقىلتايلارعا ۇستاتىپ، ونىڭ ارتىنان دۇرمەككە ىلەسىپ شاپقىلاۋعا اسىقپايىقشى. تاپ وسى جەردە دۇرىستاپ تۇرىپ ويلانايىقشى، ءبىزدىڭ وسى قازاقيادان باسقا وتانىمىز دا جوق، ارانداپ قالمايىقشى اعايىن، مەن سەنبەيمىن بۇلارعا.

 

 

ولجاس ءابىل

"ادىرنا" ۇلتتىق پورتالى

پىكىرلەر