ForteBank باتىس قازاقستان وبلىسىنىڭ تەرەكتى اۋدانىندا «Batysminiralsu» جشس جاڭا زاۋىتىنىڭ اشىلۋىن قارجىلاندىردى. كومپانيا SARTAY برەندىمەن مينەرالدى، ەمدىك جانە اسحانالىق بوتەلكەدەگى سۋدى شىعارادى، دەپ حابارلايدى “ادىرنا” ۇلتتىق پورتالى.
ءوندىرىس قۋاتى ساعاتىنا 5 مىڭ ليتر سۋعا دەيىن باعالانادى، ول جەر استى كوزىنەن قۇيىلادى.
جاڭا كاسىپورىننىڭ پايدا بولۋى الەۋەتتى ينۆەستورلار ءۇشىن ايماقتىڭ تارتىمدىلىعىن ارتتىرادى. بقو اكىمى ناريمان تورەعاليەۆتىڭ ايتۋىنشا، بۇل جىل باسىنان بەرى ءتورتىنشى جوبا.
«مەملەكەت باسشىسى جىل سايىنعى جولداۋىندا وڭىرلەردە ينۆەستيتسيا تارتۋ جانە جاڭا ءوندىرىس ورىندارىن ىسكە قوسۋ ماسەلەلەرىنە ەرەكشە كوڭىل بولەدى. بۇگىندە وبلىستا 60 ادامعا تۇراقتى جۇمىس ورنى بار وسىنداي مينەرالدى سۋ وندىرەتىن زاۋىت ىسكە قوسىلدى. بۇل جوبانى جۇزەگە اسىرۋ ءۇشىن 2,5 ملرد تەڭگە ينۆەستيتسيا تارتىلدى. بۇل زاۋىت ءتورتىنشى جوبا. زاۋىتتىڭ حالىقتى تازا اۋىز سۋمەن قامتاماسىز ەتۋدەگى ماڭىزىن باعالاماۋ مۇمكىن ەمەس.
ينۆەستيتسيا تارتۋدىڭ ماڭىزدىلىعى – جاڭا جۇمىس ورىندارىن اشۋ. ءبىزدىڭ مىندەتىمىز – وسىنداي ءىرى جوبالاردى جۇزەگە اسىرۋ. اعىمداعى جىلدىڭ سوڭىنا دەيىن شامامەن 700 ملرد تەڭگە ينۆەستيتسيا تارتۋ جوسپارلانۋدا»، - دەلىنگەن باتىس قازاقستان وبلىسىنىڭ اكىمى ناريمان تورەعاليەۆتىڭ ءسوزىن كەلتىرگەن وبلىس اكىمدىگىنىڭ سايتىندا.
«Batysminiralsu» جشس زاۋىت قۇرىلىسىن 2022 جىلى باستاعان. سەرىكتەستىكتە تابيعي اۋىز سۋى جانە ەمدىك مينەرالدى سۋى بار ەكى قۇدىق بار. كەشەن زاماناۋي جوعارى تەحنولوگيالىق جابدىقتارمەن، ونىڭ ىشىندە بىرەگەي جانە پايدالى ميكروەلەمەنتتىڭ تابيعي قۇرامىن ساقتاۋ ءۇشىن ۇڭعىما سۋىن مۇقيات تازارتۋ جۇيەسىمەن جابدىقتالعان. پايدالى قاسيەتتەرى مەن ميكروەلەمەنتتەرى، سونداي-اق ناتري، كالي، كالتسي، ماگني سياقتى مينەرالداردىڭ كوپ بولۋىنا بايلانىستى سۋدى ساناتوريلەردىڭ، ديسپانسەرلەردىڭ، ەمدەۋ مەكەمەلەرىنىڭ قاجەتتىلىكتەرىنە پايدالانۋعا بولادى. SARTAY سۋىنىڭ ساپاسى مەن قاۋىپسىزدىگى كوپتەگەن زەرتتەۋلەر ارقىلى راستالعان جانە ISO 9001, 22000 حالىقارالىق ساپا ستاندارتتارىنا سايكەس كەلەدى.
«كاسىپكەرلىكتى دامىتۋدىڭ 2021-2025 جىلدارعا ارنالعان ۇلتتىق جوباسى» مەملەكەتتىك باعدارلاماسىنا قاتىسۋ اياسىندا كومپانيا ForteBank-تەن جىلىنا 20,75%-بەن قاراجات الدى، ونىڭ 13,75%-ىن «دامۋ» قورى سۋبسيديالايدى. كاسىپورىن بوتەلكەدەگى سۋ مەن الكوگولسىز سۋسىنداردى قۇيۋ زاۋىتىن سالۋعا جانە تەحنولوگيالىق قۇرال-جابدىقتار الۋعا قاراجات جينادى.
«جاڭا كاسىپورىنداردىڭ اشىلۋى وتاندىق جانە شەتەلدىك ينۆەستورلار ءۇشىن ءوڭىردىڭ تارتىمدىلىعىن ارتتىرۋعا سەرپىن بەرەدى. بۇل سونىمەن قاتار جاڭا جۇمىس ورىندارىنىڭ اشىلۋى، سالىق تولەمدەرى جانە جالپى وبلىستىڭ ەكونوميكالىق دامۋى دەگەن ءسوز. ءوز تاراپىنان ForteBank ەلدەگى ەڭ ءىرى بانك رەتىندە مۇنداي جوبالاردى ءوز قاراجاتى ەسەبىنەن دە، مەملەكەتتىك باعدارلامالار اياسىندا دا قارجىلاندىرىپ، بۇل ۇدەرىسكە قاتىسادى. جاڭا «Batysminiralsu» زاۋىتىن قارجىلاندىرۋ ءبىزدىڭ بانك ارقىلى پايىزدىق مولشەرلەمەنى سۋبسيديالاۋ ارقىلى جۇزەگە اسىرىلدى. ءبىزدىڭ بانكتىڭ تاڭداۋى ءبىزدىڭ كورپوراتيۆتىك نەسيەلەۋ نارىعىنداعى بەرىك ۇستانىمىمىزدى راستايدى. زاۋىتقا بارعان كەزدە مەن بۇل كاسىپورىننىڭ اۋقىمى مەن كەلەشەگىن ءوزىم باعالاي الدىم. كاسىپورىننىڭ تابىستى دامۋى مەن ونىڭ ونىمدەرىنىڭ تانىمالدىلىعىنىڭ ارتۋىنا بايلانىستى مينەرالدى سۋ تەك وبلىستاعى دۇكەن سورەلەرىندە عانا ەمەس، قازاقستاننىڭ باسقا قالالارى مەن ەلدى مەكەندەرىندە دە پايدا بولادى دەپ سەنەمىز»، - دەپ اتاپ ءوتتى ForteBank باسقارما توراعاسى بەكجان ءپىرماتوۆ زاۋىتتى ارالاعان سوڭ.
