ForteBank Batys Qazaqstan oblysynyŋ Terektı audanynda «Batysminiralsu» JŞS jaŋa zauytynyŋ aşyluyn qarjylandyrdy. Kompaniia SARTAY brendımen mineraldy, emdık jäne ashanalyq bötelkedegı sudy şyǧarady, dep habarlaidy “Adyrna” ūlttyq portaly.
Öndırıs quaty saǧatyna 5 myŋ litr suǧa deiın baǧalanady, ol jer asty közınen qūiylady.
Jaŋa käsıporynnyŋ paida boluy äleuettı investorlar üşın aimaqtyŋ tartymdylyǧyn arttyrady. BQO äkımı Nariman Töreǧalievtyŋ aituynşa, būl jyl basynan berı törtınşı joba.
«Memleket basşysy jyl saiynǧy Joldauynda öŋırlerde investisiia tartu jäne jaŋa öndırıs oryndaryn ıske qosu mäselelerıne erekşe köŋıl böledı. Bügınde oblysta 60 adamǧa tūraqty jūmys orny bar osyndai mineraldy su öndıretın zauyt ıske qosyldy. Būl jobany jüzege asyru üşın 2,5 mlrd teŋge investisiia tartyldy. Būl zauyt törtınşı joba. Zauyttyŋ halyqty taza auyz sumen qamtamasyz etudegı maŋyzyn baǧalamau mümkın emes.
İnvestisiia tartudyŋ maŋyzdylyǧy – jaŋa jūmys oryndaryn aşu. Bızdıŋ mındetımız – osyndai ırı jobalardy jüzege asyru. Aǧymdaǧy jyldyŋ soŋyna deiın şamamen 700 mlrd teŋge investisiia tartu josparlanuda», - delıngen Batys Qazaqstan oblysynyŋ äkımı Nariman Töreǧalievtıŋ sözın keltırgen oblys äkımdıgınıŋ saitynda.
«Batysminiralsu» JŞS zauyt qūrylysyn 2022 jyly bastaǧan. Serıktestıkte tabiǧi auyz suy jäne emdık mineraldy suy bar ekı qūdyq bar. Keşen zamanaui joǧary tehnologiialyq jabdyqtarmen, onyŋ ışınde bıregei jäne paidaly mikroelementtıŋ tabiǧi qūramyn saqtau üşın ūŋǧyma suyn mūqiiat tazartu jüiesımen jabdyqtalǧan. Paidaly qasietterı men mikroelementterı, sondai-aq natrii, kalii, kalsii, magnii siiaqty mineraldardyŋ köp boluyna bailanysty sudy sanatoriilerdıŋ, dispanserlerdıŋ, emdeu mekemelerınıŋ qajettılıkterıne paidalanuǧa bolady. SARTAY suynyŋ sapasy men qauıpsızdıgı köptegen zertteuler arqyly rastalǧan jäne ISO 9001, 22000 halyqaralyq sapa standarttaryna säikes keledı.
«Käsıpkerlıktı damytudyŋ 2021-2025 jyldarǧa arnalǧan ūlttyq jobasy» memlekettık baǧdarlamasyna qatysu aiasynda kompaniia ForteBank-ten jylyna 20,75%-ben qarajat aldy, onyŋ 13,75%-yn «Damu» qory subsidiialaidy. Käsıporyn bötelkedegı su men alkogolsız susyndardy qūiu zauytyn saluǧa jäne tehnologiialyq qūral-jabdyqtar aluǧa qarajat jinady.
«Jaŋa käsıporyndardyŋ aşyluy otandyq jäne şeteldık investorlar üşın öŋırdıŋ tartymdylyǧyn arttyruǧa serpın beredı. Būl sonymen qatar jaŋa jūmys oryndarynyŋ aşyluy, salyq tölemderı jäne jalpy oblystyŋ ekonomikalyq damuy degen söz. Öz tarapynan ForteBank eldegı eŋ ırı bank retınde mūndai jobalardy öz qarajaty esebınen de, memlekettık baǧdarlamalar aiasynda da qarjylandyryp, būl üderıske qatysady. Jaŋa «Batysminiralsu» zauytyn qarjylandyru bızdıŋ bank arqyly paiyzdyq mölşerlemenı subsidiialau arqyly jüzege asyryldy. Bızdıŋ banktıŋ taŋdauy bızdıŋ korporativtık nesieleu naryǧyndaǧy berık ūstanymymyzdy rastaidy. Zauytqa barǧan kezde men būl käsıporynnyŋ auqymy men keleşegın özım baǧalai aldym. Käsıporynnyŋ tabysty damuy men onyŋ önımderınıŋ tanymaldylyǧynyŋ artuyna bailanysty mineraldy su tek oblystaǧy düken sörelerınde ǧana emes, Qazaqstannyŋ basqa qalalary men eldı mekenderınde de paida bolady dep senemız», - dep atap öttı ForteBank basqarma töraǧasy Bekjan Pırmatov zauytty aralaǧan soŋ.
