سولتۇستىك قازاقستان وبلىسى بەسكول اۋىلىنىڭ ماڭىندا جانتۇرشىگەرلىك جول-كولىك وقيعاسى بولدى، دەپ حابارلايدى "ادىرنا" ۇلتتىق پورتالى.
جول-كولىك اپاتى 21 شىلدە كۇنى قىزىلجار اۋدانى بەسكول اۋىلىنان 3 كم جەردە بولعان.
وبلىستىق پد مالىمدەمەسىنشە، «استانا – پەتروپاۆل» اۆتوجولىندا Infiniti FX45 اۆتوكولىگىنىڭ جۇرگىزۋشىسى ءبىر باعىتتا كەتىپ بارا جاتقان «بەلارۋس» تراكتورىنىڭ تىركەمەسىنە سوعىلعان.
جول اپاتىنان جەڭىل كولىكتىڭ 20 جاستاعى جۇرگىزۋشىسى مەن 37 جانە 27 جاستاعى ەكى جولاۋشىسى وقيعا ورنىندا جان تاپسىردى. ودان بولەك، 1996 جىلعى جولاۋشى قىز بالا ورتالىق اۋداندىق اۋرۋحاناعا جەتكىزىلدى.
