ءماجىلىستىڭ ەكس-سپيكەرى نۇرلان نىعماتۋليننىڭ باۋىرى ەرلان نىعماتۋليننىڭ YDD Corporation فەرروقورىتپا زاۋىتىندا زارداپ شەككەندەردىڭ جاعدايى تۋرالى ايتىلدى، دەپ حابارلايدى “ادىرنا” ۇلتتىق پورتالى.
«زارداپ شەككەن التى ادام جانساقتاۋ بولىمىنە، ەكەۋى كۇيىك شالعانداردى ەمدەۋ بولىمىنە جاتقىزىلدى. زارداپ شەككەن بەس ادامنىڭ جاعدايى اسا اۋىر، ەكەۋى اۋىر، ءبىر ناۋقاستىڭ جاعدايى ورتاشا دەپ باعالانۋدا»، - دەپ حابارلايدى قاراعاندى وبلىسىنىڭ دەنساۋلىق ساقتاۋ باسقارماسى.
زارداپ شەككەندەردى ارنايى ماماندار تەكسەردى. قوسىمشا تەكسەرۋلەر جۇرگىزىلدى.
ەستەرىڭىزگە سالا كەتەيىك، 20 شىلدەدە YDD Corporation فەرروقورىتپا زاۋىتىندا توتەنشە جاعداي ورىن العان بولاتىن. No1 پەشتە كەنەتتەن جالىن شىعىپ، سالدارىنان كاسىپورىننىڭ سەگىز قىزمەتكەرى زارداپ شەكتى. جاعدايعا قاتىستى قىلمىستىق ءىس قوزعالدى.
