ىشكى ىستەر مينيسترلىگى اتا-انالاردى سۋ ايدىندارىندا دەمالۋ كەزىندە بالالاردى قاتاڭ باقىلاۋدا ۇستاۋعا شاقىردى، دەپ حابارلايدى «ادىرنا» ءتىلشىسى.
ءىIم مالىمەتىنشە، شومىلۋ ماۋسىمى باستالعالى بەرى ەلىمىزدىڭ سۋ ايدىندارىندا 69 بالا قازا تاپقان.
«قۇرمەتتى اتا-انالار! ىشكى ىستەر مينيسترلىگى بالالاردىڭ سۋداعى قاۋىپسىزدىگىنە ەرەكشە نازار اۋدارادى. شومىلۋ ماۋسىمى باستالعالى بەرى ەلىمىزدە 69 بالا سۋعا باتىپ، كوز جۇمدى. قايعىلى وقيعالاردىڭ باسىم بولىگى شومىلۋعا رۇقسات ەتىلمەگەن جانە ارنايى جابدىقتالماعان جەرلەردە تىركەلدى. قاۋىپسىزدىك ماقساتىندا تەك ارنايى جابدىقتالعان جاعاجايدا شومىلىڭىزدار، بالالاردى سۋ ايدىندارىنىڭ ماڭىندا قاراۋسىز قالدىرماڭىزدار، ولارعا بەيتانىس جەرلەردە شومىلۋدىڭ قاۋىپتى ەكەنىن تۇسىندىرىڭىزدەر، اپتاپ ىستىقتان كەيىن، بىردەن سۋىق سۋعا تۇسپەڭىزدەر. تىيىم سالىنعان ورىنداردا شومىلعانى ءۇشىن اكىمشىلىك جاۋاپكەرشىلىك قاراستىرىلعانىن ەسكەرتەمىز»،- دەدى ءىىم پروفيلاكتيكالىق جۇمىستى ۇيلەستىرۋ كوميتەتىنىڭ توراعاسى ارمان سادانوۆ.
ول جىل باسىنان بەرى وسى قۇقىق بۇزۋشىلىق ءۇشىن 2700-دەن استام ازامات جاۋاپكەرشىلىككە تارتىلعانىن دا اتاپ ءوتتى.
«قۇرمەتتى اتا-انالار، بالالاردىڭ قاۋىپسىزدىگى ەڭ الدىمەن ءوز جاۋاپكەرشىلىكتەرىڭىزدە ەكەنىن ۇمىتپاڭىزدار!»– دەدى توراعا.
