بۇگىن، 12 شىلدەدە قورعانىس مينيسترلىگىنىڭ رەسمي وكىلى رۋسلان جانعۋلين وتاردا كوماعا تۇسكەن ساربازدىڭ جاعدايى تۋرالى ايتتى، دەپ حابارلايدى «ادىرنا» ءتىلشىسى.
ول 19 جاستاعى نۇرجىگىت ءابدىلپاتتىڭ الماتىداعى كلينيكالىق گوسپيتالدە جاتقانىن مالىمدەدى.
«ساربازعا قاجەت بارلىق مەديتسينالىق كومەك كورسەتىلۋدە. اسكەري دارىگەرلەر مەن وزگە ماماندار كۇن سايىن باقىلاپ، ەمدەپ جاتىر. قازىر ونىڭ جاعدايى اۋىر بولعانىمەن، كۇننەن كۇنگە جاقسارىپ كەلەدى. قىزمەتتىك وكىلەتتىگىن اسىرا پايدالانعان اسكەري قىزمەتشىگە قاتىستى اسكەري تەرگەۋ ورگاندارى جەدەل-ىزدەستىرۋ شارالارىن جۇرگىزىپ جاتىر. تەرگەۋ مۇددەسى ءۇشىن باسقا اقپارات جاريالانبايدى»،—دەدى مينيسترلىك وكىلى وكق-دا وتكەن بريفينگتە.
ايتا كەتەيىك، بۇعان دەيىن جامبىل وبلىسىنىڭ قورداي اۋدانىندا قىزمەت وتكەرىپ جاتقان مەرزىمدى اسكەري قىزمەتتەگى سارباز اۋرۋحاناعا تۇسكەنىن “ادىرنا” ۇلتتىق پورتالىنا اناسى حابارلانعانىن جاريالاعان ەدىك.
