«سارىارقا» حوككەي كلۋبى مەملەكەت مەنشىگىنە قايتارىلدى. بۇل تۋرالى بۇگىن، 12 شىلدەدە قاراعاندى وبلىسىنىڭ پروكۋراتۋراسى ايتتى، دەپ حابارلايدى «ادىرنا» ءتىلشىسى.
«پروكۋراتۋرا مەملەكەت مەنشىگىنە زاڭسىز بەرىلگەن 37 جەر تەلىمىن، سونداي-اق قۇنى 900 ملن تەڭگەنى قۇرايتىن «سارىارقا» حوككەي كلۋبىن قايتاردى. قازىر پروكۋرورلار مەملەكەتتىك مۇلىكتى جەكەشەلەندىرۋدىڭ زاڭدىلىعىن تەكسەرىپ جاتىر»، - دەلىنگەن حابارلامادا.
وبلىس پروكۋراتۋراسى مەملەكەتتىڭ ەكونوميكالىق مۇددەسىن قالپىنا كەلتىرۋ ماقساتىندا زاڭسىز الىنعان جانە جەكەشەلەندىرىلگەن بارلىق مەملەكەتتىك مۇلىككە پروكۋرورلىق قاداعالاۋ جانە دەن قويۋ شارالارى قولدانىلاتىنىن اتاپ ءوتتى.
ايتا كەتەيىك، 2023 جىلدىڭ 12 شىلدەسىندە پرەزيدەنت قاسىم-جومارت توقاەۆ «زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى» زاڭعا قول قويعان ەدى.
