«Saryarqa» hokkeı klýby memleket menshigine qaıtaryldy. Bul týraly búgin, 12 shildede Qaraǵandy oblysynyń prokýratýrasy aıtty, dep habarlaıdy «Adyrna» tilshisi.
«Prokýratýra memleket menshigine zańsyz berilgen 37 jer telimin, sondaı-aq quny 900 mln teńgeni quraıtyn «Saryarqa» hokkeı klýbyn qaıtardy. Qazir prokýrorlar memlekettik múlikti jekeshelendirýdiń zańdylyǵyn tekserip jatyr», - delingen habarlamada.
Oblys prokýratýrasy memlekettiń ekonomıkalyq múddesin qalpyna keltirý maqsatynda zańsyz alynǵan jáne jekeshelendirilgen barlyq memlekettik múlikke prokýrorlyq qadaǵalaý jáne den qoıý sharalary qoldanylatynyn atap ótti.
Aıta keteıik, 2023 jyldyń 12 shildesinde prezıdent Qasym-Jomart Toqaev «Zańsyz ıemdenilgen aktıvterdi memleketke qaıtarý týraly» Zańǵa qol qoıǵan edi.
