قاراعاندى وبلىسىنىڭ مادەنيەت، ارحيۆتەر جانە قۇجاتتاما باسقارماسىنىڭ باسشىسى ەركەبۇلان جۇماكەنوۆ "ارتسپورت"جوباسىن قارجىلاندىرۋ تۋرالى جاعدايدى ءتۇسىندىردى.
باعدارلامانىڭ ماقساتى – 4 جاستان 18 جاسقا دەيىنگى بالالاردى ۇيىرمەلەر مەن سەكتسيالاردا تەگىن بىلىممەن قامتۋ. ەگەر 2021 جىلى شىعارماشىلىق مەملەكەتتىك تاپسىرىسقا 200 ملن تەڭگەدەن استام قارجى بولىنسە، قازىرگى قارجىلاندىرۋ 1,3 ملرد تەڭگەدەن اسادى.
باعدارلاماعا سۇرانىس ارتىپ كەلەدى، سوندىقتان بيىل باستاپقى قاراستىرىلعان سوماعا قوسىمشا قاراجات ءبولىندى. بۇل جىل سوڭىنا دەيىن 6720 ۆاۋچەردى قامتاماسىز ەتۋگە مۇمكىندىك بەرەدى. بۇل تۋرالى شىعارماشىلىق ستۋديا باسشىلارىمەن كەزدەسۋدە حابارلاندى.
– ءبىز "ارتسپورت" باعدارلاماسىنىڭ قاتىسۋشىلارىنىڭ ۋايىمىن تۇسىنەمىز، بىراق بىرنەشە رەت ايتىلعانداي: شىعارماشىلىق مەملەكەتتىك تاپسىرىسقا قوسىمشا سوما ءبولىندى، سونىڭ ارقاسىندا بالا سانى 800 ادامعا ارتتى. باعدارلاماعا سۇرانىستى ەسكەرە وتىرىپ، كەلەسى جىلى بيۋدجەت مۇمكىندىكتەرىنە بايلانىستى قارجىلاندىرۋ ماسەلەسى قارالاتىن بولادى، – دەپ ءتۇسىندىردى ەركەبۇلان جۇماكەنوۆ.
قاراعاندى وبلىسىندا بالالار "ارتسپورت"باعدارلاماسى بويىنشا شىعارماشىلىقپەن جانە سپورتپەن تەگىن اينالىسىپ جاتىر. 2021 جىلى ىسكە قوسىلعاننان بەرى وعان بولىنگەن قارجى جىل سايىن ءوسىپ كەلەدى. بيىل 3,6 ملرد تەڭگە ءبولىندى.
وبلىستا مەملەكەتتىك سپورتتىق تاپسىرىس سانى تا كوبەيدى. بيىل بۇل باعىتقا 2,3 ملرد تەڭگەنى بولىنگەن. قازىر 61 قىزمەت كورسەتۋشى بار، سپورتتىڭ 23 ءتۇرى بويىنشا 206 سەكتسيا جۇمىس ىستەيدى. قامتىلعان 10,6 مىڭنان استام بالانىڭ ءبىر جارىم مىڭعا جۋىعى اۋىلدىق ەلدى مەكەننەن.
