ەلىمىزدە شومىلۋ ماۋسىمى باستالعالى بەرى 70 ادام سۋعا باتىپ كەتتى. بۇل تۋرالى تجم ازاماتتىق قورعانىس جانە اسكەري بولىمدەر كوميتەتى ايتتى، دەپ حابارلايدى «ادىرنا» ءتىلشىسى.
«شومىلۋ ماۋسىمى باستالعالى 70 ادامنىڭ اجالى سۋدان كەلدى. ونىڭ ىشىندە 30 بالا بار. وتكەن جىلى 83 ادام سۋعا كەتىپ قايتىس بولعان. بيىل سۋعا كەتكەن بالانىڭ سانى وتكەن جىلمەن سالىستىرعاندا كوپ»،— دەدى كوميتەت توراعاسىنىڭ ورىنباسارى اقىلبەك احمەتجانوۆ.
ايتۋىنشا، بيىل سۋدان 131 ادام قۇتقارىلعان.
«ءاربىر ازامات جول ءجۇرۋ ەرەجەسىن ساقتاعان سياقتى، سۋداعى ءجۇرىپ تۇرۋ قاعيدالارىندا قاتاڭ ساقتاۋى ءتيىس. «شاكىرت دايىن بولعاندا عانا ۇستاز كەلەدى» دەمەكشى، ءبىز قانشا ەسكەرتۋ، وقىتۋ، الدىن الۋ شارالارىن ۇيىمداستىرعانىمەن، ەڭ ءبىرىنشى سۋدان كەلەتىن قاۋىپكە اراشا بولۋشى – ادامنىڭ ءوزى»،—دەپ تولىقتىردى ول.
