الماتىدا جارتى جىل ىشىندە 150 مىڭ ادامنىڭ جالاقىسى وسكەن

1257

الماتىدا سوڭعى جارتى جىل ىشىندە 40 مىڭعا جۋىق جۇمىس بەرۋشى شامامەن 150 مىڭ قىزمەتكەردىڭ ايلىق اقىسىن ۇشتەن بىرگە ءوسىردى، ال ەڭبەك جولىن ەندى باستاعان مەديتسينا قىزمەتكەرلەرى ءۇي ساتىپ الۋ كەزىندە باستاپقى جارنانى تولەۋ ءۇشىن تۇرعىن ءۇي سەرتيفيكاتتارىن الىپ جاتىر، - دەپ حابارلايدى تengrinews.kz ءتىلشىسى

الماتى اۋماقتىق كاسىپوداقتار بىرلەستىگىنە سىلتەمە جاساپ.  سونىمەن قاتار، 500 الماتىلىق سوت جانە قۇقىق قورعاۋ ورگاندارىنىڭ ارالاسۋىنسىز "تاتۋلاسۋ ورتالىعى" قىزمەتىنە جۇگىنە وتىرىپ، ءوز داۋلارىن شەشتى. الماتى اۋماقتىق كاسىپوداقتار بىرلەستىگىنىڭ توراعاسى زاۋرەش ومىرباەۆانىڭ، "قازاقستاندىق "YNTYMAQ" ورتا جانە شاعىن بيزنەس قىزمەتكەرلەرىنىڭ سالالىق كاسىبي وداعى" رقب الماتى ق. بويىنشا فيليالىنىڭ توراعاسى اسحات اسىلبەكوۆتىڭ، "الماتى قالالىق جەرگىلىكتى "ۇستاز" كاسىبي وداعى" قب توراعاسى سەرىكجان بايقۇتدينوۆتىڭ، "ەنەرگيا" جەرگىلىكتى كاسىپوداعى" قبد توراعاسى ۆالەري سيتديكوۆتىڭ جانە "سەنىم" دەنساۋلىق ساقتاۋ جۇيەسى قىزمەتكەرلەرىنىڭ كاسىپتىك وداعىنىڭ الماتى قالالىق فيليالىنىڭ توراعاسى الماس نەسىپقاليەۆتىڭ قاتىسۋىمەن وتكەن ءباسپاسوز كونفەرەنتسياسىندا الماتى قالاسى كاسىپوداق ورتالىعى جارتى جىلدىق جۇمىسىن قورىتىندىلادى. كاسىپوداق جۇمىسىن قورىتىندىلاۋ كەلە، ومىرباەۆا قىزمەتكەرلەردىڭ جۇمىس جاعدايىن جاقسارتۋ بويىنشا جۇمىستار كەشەندى تۇردە جۇرگىزىلىپ جاتقاندىعىن اتاپ ءوتتى. "بۇگىندە الماتى قالاسى كاسىپوداقتار ورتالىعى 200 مىڭنان اسا الماتىلىق كاسىپوداق مۇشەلەردىڭ باسىن قوسقان ءىرى قوعامدىق ۇيىمداردىڭ ءبىرى بولىپ سانالادى. ەڭبەك ەتۋشىلەردىڭ قۇقىعىن قورعاپ، تۋىنداعان داۋلاردى شەشۋگە اتسالىسىپ، 750 باستاپقى كاسىپوداق ۇيىمى جۇمىس بەرۋشىلەر مەن قىزمەتكەرلەردىڭ اراسىندا كوپىر بولىپ ءجۇر. قىزمەتكەرلەردىڭ قاجەتتىلىكتەرىن ەسكەرە وتىرىپ، ولاردىڭ مۇددەسىن قورعاۋعا تىرىسىپ كەلەمىز", - دەدى ول. ونىڭ ايتۋىنشا، كاسىپوداقتار ورتالىعى جالاقىنىڭ ءوسۋى، ۇجىمدىق كەلىسىم شارت جاساسۋ، باستاپقى كاسىپوداق ۇيىمدارىن قۇرۋ، ەڭبەك قاۋىپسىزدىگى، الەۋمەتتىك سەرىكتەستىك جانە ت.ب. ماسەلەلەرگە باسا نازار اۋداردى. اتاپ وتكەن اسپەكتىلەرگە تولىعىراق توقتالىپ ءوتتى. ۇجىمدىق كەلىسىم شارتقا جاساسۋدىڭ ارقاسىندا جۇمىسشىلار جەڭىلدىكتەر مەن كەپىلدەمەلەرگە يە بولادى. قۇجاتقا سايكەس قىزمەتكەرلەر ەڭبەك قۇقىعىن قورعاۋ، جالاقى، ەمدەلۋ جانە دەمالۋ بويىنشا الەۋمەتتىك كەپىلدىككە يە بولادى. جىل باسىنان بەرى 25 مىڭنان اسا ۇجىمدىق كەلىسىم جاسالدى. سونىمەن قاتار ول راسىمدەلمەگەن ەڭبەك قاتىناسىن بولدىرماۋ ماقساتىندا كاسىپوداق "ەڭبەك شارتىن جاساڭتسىز" رەسپۋبليكالىق اكتسياسىنا قاتىسقاندىعىن مالىمدەدى. باعدارلامانى جۇزەگە اسىرۋ ءۇشىن "شۇعىل جەلى", "سەنىم تەلەفونى" اشىلىپ، حالىق كوپ جينالاتىن ورىنداردى "سەنىم جاشىكتەرى" ورناتىلدى. 1-جارتىجىلدىق ىشىندە مەمينسپەكتورلار 8 مەكەمەنى تەكسەرىپ، ەڭبەك شارتىنسىز جۇمىس جاساپ جۇرگەن قىزمەتكەرلەردى انىقتادى. ناتيجەسىندە 149 ەڭبەك كەلىسىم شارتى جاسالدى. سونداي-اق، ءباسپاسوز كونفەرەنتسياسىندا مەكەمەلەردە باستاپقى ۇيىمداردى اشۋدىڭ ماڭىزدى ەكەندىگى اتاپ ءوتىلدى. ويتكەنى ولار قىزمەتكەرلەردىڭ ماسەلەلەرى شەشۋمەن اينالىسادى. وسىلايشا 2019 جىلدىڭ 1-جارتىجىلدىعىندا 10 باستاپقى كاسىپوداق ۇيىمى قۇرىلىپ، 4,1 مىڭ ادام مۇشەلىككە تارتىلعان. "كاسىپوداققا مۇشە بولا وتىرىپ جۇمىسشى، ەڭ الدىمەن، الەۋمەتتىك-ەكونوميكالىق جەڭىلدىكتەرگە يە بولادى. مۇندا تەگىن زاڭ قىزمەتى، كەپىلدىكتەر مەن كومپەنساتسيالار، بىلىكتىلىگىن ارتتىرۋ مەن جالاقىسى جوعارى وزگە لاۋازىمعا اۋىسۋ مۇمكىندىگىنە يە بولادى. ودان بولەك جۇمىستان شىعارىلعان نەمەسە وزگە دە ادىلەتسىز جاعدايلاردا كاسىپوداق جۇمىسشىنى قورعاۋعا دايىن. ومىرلىك قيىن جاعدايلارعا تاپ بولعاندارعا ماتەريالدىق كومەك، ساناتري-كۋرورتتىق ەم قابىلداۋعا جەڭىلدىكپەن جولداما الۋعا كومەك كورسەتەدى", - دەدى الماتى اۋماقتىق كاسىپوداقتار بىرلەستىگىنىڭ توراعاسى. سونىمەن قاتار ول كاسىپوداققا مۇشە بولماعان جاعدايدا، جۇمىسشى جۇمىس بەرۋشىمەن ارادا تۋىنداعان ماسەلەلەردى ءوزى شەشۋگە ءتيىس ەكەندىگىن اتاپ ءوتتى. "كاسىپوداق ۇيىمىمەن سەرىكتەس بولا وتىرىپ، جۇمىس بەرۋشى زاڭعا سايكەس قۇرىلىپ، تولىق جاۋاپكەرشىلىككە يە الەۋمەتتىك سەرىكتەسكە يە بولادى. وسىلايشا قىزمەتكەر مەن جۇمىس بەرۋشى اراسىنداعى قاتىناس ەكى جاققا دا وڭ ناتيجە كورسەتە الادى", – دەپ قورىتىندىلادى ومىرزاقوۆا.

 

"ادىرنا" ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket