Reseıdiń Kıevke jibergen zymyrandarynyń biri balalar aýrýhanasyna tústi. Bul týraly Kıev qalasynyń ákimi Vıtalıı Klıchko Telegram-da, «Ohmatdet» dırektory Vladımır Jovnır «Ýkraınskaıa pravda» basylymyna bergen túsiniktemesinde rastady, dep habarlaıdy “Adyrna” ulttyq portaly.
Aqparatqa sáıkes, búgin, dúısenbi tańerteń Reseı Kıevke sońǵy bir jyldaǵy eń aýqymdy zymyran shabýyldarynyń birin jasady. Nátıjesinde soqqylardyń biri «Ohmatdet» ulttyq mamandandyrylǵan balalar aýrýhanasynyń ǵımaratyna tıdi,
Qazir onda ǵımaratta bolǵan barlyq adamdardy evakýaııalaý jáne kóshirý uıymdastyrylyp jatyr. Kýágerlerdiń aıtýynsha, dárigerler bólmesi men toksıkologııa bólimine tikeleı soqqy túskende, onda adamdar bolǵan. Qazirgi ýaqytta kem degende 5 adamnyń qaza tapqany habarlanyp otyr, úıindiler astynda qalǵan adamdar da bar.
