ءماجىلىس دەپۋتاتتارى، «اماNات» پارتياسى فراكتسياسىنىڭ مۇشەلەرى اينا ءمىسىرالىموۆا، يۋليا كۋچينسكايا جانە ناتاليا دەمەنتەۆا كوكشەتاۋداعى 1500 ورىندىق مەكتەپ قۇرىلىسىنىڭ بارىسىمەن تانىستى.
ءماجىلىس دەپۋتاتتارىنىڭ ايماقتارعا ساپارى جالعاسۋدا. حالىق وكىلدەرى ەڭبەك ۇجىمدارىمەن كەزدەسىپ، ونەركاسىپ ورىندارىن ارالاپ، ازاماتتاردى جەكە ماسەلەلەرى بويىنشا قابىلداۋدا. سونىمەن قاتار، ولار «اماNات» پارتياسىنىڭ سايلاۋالدى باعدارلاماسىنىڭ ورىندالۋىن دا باقىلاۋدا.
بۇگىن دەپۋتاتتار اينا ءمىسىرالىموۆا، يۋليا كۋچينسكايا جانە ناتاليا دەمەنتەۆا كوكشەتاۋ قالاسىنىڭ «سارىارقا» شاعىن اۋدانىندا سالىنىپ جاتقان 150 ورىندىق وڭالتۋ ورتالىعىنڭ جانە 1500 ورىندىق مەكتەپ قۇرىلىسىنىڭ بارىسىمەن تانىستى.
وبلىس ورتالىعىنداعى «سارىارقا» مولتەك اۋدانىندا قۇرىلىسى باستالعان الايدا، قاراجاتتىڭ بولىنبەۋىنە بايلانىستى توقتاپ تۇرعان 150 ورىندىق مۇمكىندىگى شەكتەۋلى ادامدارعا ارنالعان وڭالتۋ ورتالىعى سوڭعى ۇلگىدەگى وڭالتۋ جابدىقتارىمەن قامتىلماق. جىلىنا بۇل جەردە 1800 ادام دەنساۋلىعىن كۇتۋگە مۇمكىندىك الادى. 12 مىڭ شارشى مەتردى قۇرايتىن قۇرىلىسى نىسانىنىڭ جوبالىق بولىگىندەگى وزگەرىستەرگە بايلانىستى جوباعا تۇزەتۋلەر ەنگىزىلۋدە. قاراجاتتىڭ دۇرىس بولىنبەۋىنە بايلانىسى، قۇرىلىس توقتاپ تۇر.
سونداي اق، 1500 ورىندىق مەكتەپ قۇرىلىسىندا بولعان ماجىلىستەگى «اماNات» فراكتسياسىنىڭ مۇشەسى اينا ءمىسىرالىموۆا جالپى ەلىمىزدە دەموگرافيالىق ءوسۋ قارقىنى ءبىلىم بەرۋ جۇيەسى ءۇشىن كۇردەلى ماسەلە ەكەنىن، سوندىقتان مەكتەپتەردەگى ورىن تاپشىلىعى وزەكتى ماسەلەلەردىڭ ءبىرى ەكەنىن اتاپ ءوتتى.
ال ءماجىلىس دەپۋتاتى يۋليا كۋچينسكايا مەملەكەت پەداگوگيكا سالاسىنداعى كادر تاپشىلىعىن ازايتۋ جانە جاستاردى مۇعالىمدىك ماماندىققا تارتۋ ءۇشىن جاسالىپ جاتقان شارالاردى اتاپ ءوتتى.
– «مەملەكەت باسشىسى قاسىم-جومارت توقاەۆتىڭ باستاماسىمەن 2019 جىلى «پەداگوگ مارتەبەسى تۋرالى» ارنايى زاڭ قابىلداندى. سوڭعى بىرنەشە جىلدا مۇعالىمدەردىڭ جالاقىسى ەكى ەسەگە ءوستى. بالاباقشا تاربيەشىلەرىنىڭ جالاقىسى 30 پايىزعا ءوستى. ال وسىدان ءبىر-ەكى اي بۇرىن عانا پرەزيدەنت دەپۋتاتتار ازىرلەگەن عىلىم جانە ءبىلىم تۋرالى زاڭعا قول قويدى. سونىمەن قاتار، زاڭدا بەلگىلى ءبىر دارەجەلى جانە عىلىمي اتاعى بار مۇعالىمدەردىڭ جالاقىسىنا اي سايىنعى ۇستەمەاقىلار بەلگىلەنگەن. بۇل مۇعالىمدەردى ىنتالاندىرۋدىڭ ءبىر ءتۇرى»،- دەپ اتاپ ءوتتى.
ايتا كەتەرلىگى، وتكەن جىلى اقمولا وبلىسىندا «اماNات» پارتياسىنىڭ سايلاۋالدى باعدارلاماسى بويىنشا 1245 ورىندىق 16 بالاباقشا، 3512 ورىندىق 5 مەكتەپ اشىلدى. جالپى، 2027 جىلعا دەيىن وبلىستا 39 مەكتەپ سالۋ، سونداي-اق 82 مەكتەپتە كۇردەلى جوندەۋ جۇمىستارىن جۇرگىزۋ جوسپارلانعان.
سونىمەن قاتار بۇل كۇنى يۋليا كۋچينسكايا پاتەر يەلەرى كووپەراتيۆىنىڭ توراعالارىمەن كەزدەسسە، اينا ءمىسىرالىموۆا مەن ناتاليا دەمەنتەۆا ەتنومادەني بىرلەستىك وكىلدەرىمەن كەزدەسىپ، بارلىق ماسەلەلەرىن الداعى جۇمىس ءۇشىن جازىپ الدى.
سونداي اق، بۇل كۇنى دەپۋتاتتار پارتيانىڭ وبلىستىق فيليالىنىڭ قوعامدىق قابىلداۋىندا ازاماتتاردى جەكە ماسەلەسىمەن قابىلدادى.
