Májilis depýtattary, «AMANAT» partııasy frakııasynyń músheleri Aına Mysirálimova, Iýlııa Kýchınskaıa jáne Natalıa Dementeva Kókshetaýdaǵy 1500 oryndyq mektep qurylysynyń barysymen tanysty.
Májilis depýtattarynyń aımaqtarǵa sapary jalǵasýda. Halyq ókilderi eńbek ujymdarymen kezdesip, ónerkásip oryndaryn aralap, azamattardy jeke máseleleri boıynsha qabyldaýda. Sonymen qatar, olar «AMANAT» partııasynyń saılaýaldy baǵdarlamasynyń oryndalýyn da baqylaýda.
Búgin depýtattar Aına Mysyrálimova, Iýlııa Kýchınskaıa jáne Natalıa Dementeva Kókshetaý qalasynyń «Saryarqa» shaǵyn aýdanynda salynyp jatqan 150 oryndyq ońaltý ortalyǵynń jáne 1500 oryndyq mektep qurylysynyń barysymen tanysty.
Oblys ortalyǵyndaǵy «Saryarqa» móltek aýdanynda qurylysy bastalǵan alaıda, qarajattyń bólinbeýine baılanysty toqtap turǵan 150 oryndyq múmkindigi shekteýli adamdarǵa arnalǵan ońaltý ortalyǵy sońǵy úlgidegi ońaltý jabdyqtarymen qamtylmaq. Jylyna bul jerde 1800 adam densaýlyǵyn kútýge múmkindik alady. 12 myń sharshy metrdy quraıtyn qurylysy nysanynyń jobalyq bóligindegi ózgeristerge baılanysty jobaǵa túzetýler engizilýde. Qarajattyń durys bólinbeýine baılanysy, qurylys toqtap tur.
Sondaı aq, 1500 oryndyq mektep qurylysynda bolǵan Májilistegi «AMANAT» frakııasynyń múshesi Aına Mysyrálimova jalpy elimizde demografııalyq ósý qarqyny bilim berý júıesi úshin kúrdeli másele ekenin, sondyqtan mektepterdegi oryn tapshylyǵy ózekti máselelerdiń biri ekenin atap ótti.
Al Májilis depýtaty Iýlııa Kýchınskaıa memleket pedagogıka salasyndaǵy kadr tapshylyǵyn azaıtý jáne jastardy muǵalimdik mamandyqqa tartý úshin jasalyp jatqan sharalardy atap ótti.
– «Memleket basshysy Qasym-Jomart Toqaevtyń bastamasymen 2019 jyly «Pedagog mártebesi týraly» arnaıy zań qabyldandy. Sońǵy birneshe jylda muǵalimderdiń jalaqysy eki esege ósti. Balabaqsha tárbıeshileriniń jalaqysy 30 paıyzǵa ósti. Al osydan bir-eki aı buryn ǵana Prezıdent depýtattar ázirlegen ǵylym jáne bilim týraly zańǵa qol qoıdy. Sonymen qatar, zańda belgili bir dárejeli jáne ǵylymı ataǵy bar muǵalimderdiń jalaqysyna aı saıynǵy ústemeaqylar belgilengen. Bul muǵalimderdi yntalandyrýdyń bir túri»,- dep atap ótti.
Aıta keterligi, ótken jyly Aqmola oblysynda «AMANAT» partııasynyń saılaýaldy baǵdarlamasy boıynsha 1245 oryndyq 16 balabaqsha, 3512 oryndyq 5 mektep ashyldy. Jalpy, 2027 jylǵa deıin oblysta 39 mektep salý, sondaı-aq 82 mektepte kúrdeli jóndeý jumystaryn júrgizý josparlanǵan.
Sonymen qatar bul kúni Iýlııa Kýchınskaıa páter ıeleri kooperatıviniń tóraǵalarymen kezdesse, Aına Mysyrálimova men Natalıa Dementeva etnomádenı birlestik ókilderimen kezdesip, barlyq máselelerin aldaǵy jumys úshin jazyp aldy.
Sondaı aq, bul kúni depýtattar partııanyń oblystyq fılıalynyń qoǵamdyq qabyldaýynda azamattardy jeke máselesimen qabyldady.
