مەملەكەت باسشىسى قاسىم-جومارت توقاەۆ بۇقارالىق اقپارات قۇرالدارى قىزمەتكەرلەرىن كاسىبي مەرەكەسىمەن قۇتتىقتادى. بۇل تۋرالى اقوردا جاريالادى، دەپ حابارلايدى “ادىرنا” ۇلتتىق پورتالى.
“ەلىمىزدىڭ بۇقارالىق اقپارات قۇرالدارى قوعام ساناسىن جاڭعىرتىپ، ۇلت تۇتاستىعىن نىعايتۋ جولىندا ايرىقشا ءرول اتقارادى. ءباسپاسوز سالاسىن دامىتۋ، سونداي-اق جۋرناليستەردىڭ قۇقىقتارى مەن زاڭدى مۇددەلەرىن قورعاۋ – مەملەكەتتىڭ ماڭىزدى مىندەتىنىڭ ءبىرى”، - دەلىنگەن پرەزيدەنت قۇتتىقتاۋىندا.
قازاق جۋرناليستيكاسىنىڭ تاعىلىمدى تاريحى، اعا بۋىن قالىپتاستىرعان ەرەكشە قولتاڭباسى بار. ءبىز ونىڭ باي شەجىرەسى مەن اعارتۋشىلىق ءداستۇرىن بارىنشا ساقتاۋىمىز قاجەت.
بۇگىنگى اقپارات سالاسىنىڭ وكىلدەرى وسى ساباقتاستىقتى لايىقتى جالعاستىرىپ، وزىنە جۇكتەلگەن جاۋاپتى ميسسيانى ابىرويمەن اتقارىپ كەلەدى.
“سىزدەر قاي كەزدە دە حالىققا شىنايى ءارى جەدەل حابار تاراتىپ، كاسىبي بىلىكتىلىكتىڭ وزىق ۇلگىسىن كورسەتىپ جۇرسىزدەر. بولاشاقتا دا ەلدىك ماسەلەلەردى كوتەرىپ، ۇلتتىق قۇندىلىقتاردى ناسيحاتتاۋعا بەلسەنە اتسالىسا بەرەسىزدەر دەپ سەنەمىن. بارشاڭىزعا باق-بەرەكە، تولاعاي تابىس، شىعارماشىلىق شابىت تىلەيمىن”، - دەپ جازدى توقاەۆ.
