بۇگىن ورتالىق كوممۋنيكاتسيالار قىزمەتىندە V دۇنيەجۇزىلىك كوشپەندىلەر ويىندارىنا دايىندىق جۇمىستارىنا بايلانىستى ءباسپاسوز ءماسليحاتى ءوتتى، دەپ حابارلايدى “ادىرنا” ۇلتتىق پورتالى.
جيىندا جۋرناليست «ءوزىڭىز ءبىلال ەردوعان باسقاراتىن بۇكىلالەمدىك ەتنوسپورت كونفەدەراتسياسى تۋرالى ايتتىڭىز. كوشپەندىلەر ويىنىنا ۆيتسە-پرەزيدەنت بەكبولات تىلەۋحان قاتىسا ما؟» دەپ تۋريزم جانە سپورت ۆيتسە-ءمينيسترى سەرىك جاراسباەۆقا سۇراق قويدى.
«ءبىز بىرنەشە رەت ەتنو قاۋىمداستىق پەن حالىقارالىق ەتنوسپورت كونفەدەراتسياسىمەن كەزدەسۋ وتكىزگەن بولاتىنبىز. بىراق بىردە ءبىر كەزدەسۋگە جاڭا ءسىز ايتىپ جاتقان ادام قاتىسقان جوق. ءبىزدىڭ ماسەلە ەندى ەشقانداي ماسەلەلەرگە قاراماي ارى قاراي وسى سپورت باعىتتارىن العا جىلجىتۋ جانە ۇلتتىق سپورت تۇرلەرىن دامىتۋ بولىپ وتىر»، – دەدى ول.
«بەكبولات تىلەۋحان بىردە ءبىر جيىنعا قاتىسپاسا، دەمەك استاناداعى كوشپەندىلەر ويىنىنا كەلۋى مۇمكىن بە، مۇمكىن ەمەس پە؟» دەگەن قوسىمشا سۇراققا ۆيتسە-مينيستر «ول بويىنشا جاۋاپ بەرە المايمىن» دەپ قىسقا جاۋاپ بەردى.
