مەملەكەت باسشىسى قاسىم-جومارت توقاەۆتىڭ وكىمىمەن سەرىك جاقسىعاليۇلى بورامباەۆ قازاقستان رەسپۋبليكاسىنىڭ قارۋلى كۇشتەرى اسكەري-تەڭىز كۇشتەرىنىڭ باس قولباسشىسى لاۋازىمىنا تاعايىندالدى، دەپ حابارلايدى “ادىرنا” ۇلتتىق پورتالى.
ساكەن مانسۇرۇلى بەكجانوۆ قازاقستان رەسپۋبليكاسىنىڭ قارۋلى كۇشتەرى اسكەري-تەڭىز كۇشتەرىنىڭ باس قولباسشىسى لاۋازىمىنان بوساتىلدى.
سەرىك جاقسىعاليۇلى – كيەۆ جوعارعى اسكەري-تەڭىز پوليتەحنيكالىق ۋچيليششەسىنىڭ، قر رف اسكەري ۋنيۆەرسيتەتىنىڭ، قر رف اسكەري ۋنيۆەرسيتەتى جانىنداعى اديۋنكتۋراسىنىڭ، قر ۇلتتىق قورعانىس ۋنيۆەرسيتەتى جانىنداعى اكادەميالىق كۋرستاردىڭ تۇلەگى.
سەرىك بورامباەۆ قىزمەت جولىن كاسپي فلوتىنىڭ كورابلدەر كۇزەتى ديۆيزيونى ساياسي ءبولىمنىڭ كومسومولدىق جۇمىستار جونىندەگى باستىعىنىڭ كومەكشىسىنەن باستاعان. ءار ءتۇرلى جىلدارى اتىراۋ وبلىستىق اسكەري كوميسسارياتىندا اسكەري-تەڭىز ينستيتۋتى باستىعىنىڭ ورىنباسارى، قر قك اسكەري-تەڭىز باسقولباسشىسىنىڭ ورىنباسارى قىزمەتىن اتقاردى.
