گرەكيادا شىققان ورتكە سەبەپكەرلەردىڭ ءبىرى قازاقستاندىق بيزنەسمەندەردىڭ ءبىرى ەكەنى ايتىلدى، دەپ حابارلايدى "ادىرنا" ۇلتتىق پورتالى "چەمودان گوسسەكرەتوۆ" تەلەگرام ارناسىنا سىلتەپ.
شەتەلدەگى ورتكە اپارىپ سوققان وتشاشۋدى اتقانداردىڭ اراسىندا دانيار ابىلعازين بولۋى ىقتيمال. تەلەگرام ارنا اقپاراتىنشا، وتشاشۋ ۇشىرىلعان ياحتانى ابىلعازين جالعا العان. گرەكيانىڭ ىشكى ىستەر مينيسترلىگى جانە قازاقستاننىڭ سىرتقى ىستەر مينيسترلىگى اقپاراتقا قاتىستى ەشقانداي تۇسىنىكتەمە بەرمەدى.
ايتا كەتەيىك، دانيار ابىلعازين Forbes تىزىمىندە 380 ميلليون دوللار بايلىعىمەن 21-ءشى ورىندا تۇر.
ول وتباسىمەن بىرگە "Sinooil" جشس (Sinooil جمقس جەلىسى), "PetroRetail" جشس (QAZAQOIL جمقس جەلىسى) جانە "Petroleum" جشس، "Dostyk Gas Terminal" جشس، "Standart Petroleum" جشس قاتىساتىن "Mercury Service Company” جشس ۇلەستەرىنە يە. ودان بولەك، اdd Invest Properties كومپانياسى ارقىلى قۇلىباەۆتارمەن بىرگە Keruen city Astana سوو، Keruen سوو، Talan Towers سوو جانە استاناداعى "تۇران 18" بو، اتىراۋ Baizaar mall سوو جانە Keruen City Aktobe سوو باسقارادى. ابىلعازيندەر "ايالا" قايىرىمدىلىق قورىنىڭ قۇرىلتايشىلارى سانالادى.
ەسكە سالا كەتەيىك، بۇعان دەيىن گرەكيادا ورمان ورتەنگەنى تۋرالى ايتىلعان بولاتىن.
