«چايكا» ساۋىقتىرۋ لاگەرىنىڭ ءبىرىنشى ماۋسىمى اياقتالدى. ا.ج. 9-18 ماۋسىم ارالىعىندا اتباسار، ەسىل، جاقسى اۋداندارىنىڭ، كوكشەتاۋ قالاسىنىڭ بالالارى سولتۇستىك قازاقستان وبلىسىنىڭ ايىرتاۋ اۋدانىندا ورنالاسقان كوركەم جەردە دەمالۋعا مۇمكىندىك الدى.
لاگەردەگى بارلىق اۋىسىم كوڭىلدى، قىزۋ ءوتتى، كۇن سايىن قىزىقتى وقيعالار مەن ءىس-شارالارعا تولى بولدى. بالالار «دۋمان» پەداگوگيكالىق جاساعىنىڭ تاجىريبەلى تالىمگەرلەرى وتكىزگەن ءتۇرلى ءىس-شارالار مەن ويىندارعا قاتىستى.
دەمالىپ كەلگەن بالالار وتكىزىلگەن ۋاقىت تۋرالى ءوز اسەرلەرىمەن ءبولىستى.
«"چايكا" لاگەرىندە ون كۇندەي دەمالدىم. وسى جەردە وزىمە ايتالماستاي كۇش- جىگەر الدىم. جانە دە كوپ دوس تابىلدى.لاگەردىڭ ۇجىمى ەرەكشە ادامدار، ولاردىڭ جىلۋىن سەزدىم. بالالار ءۇشىن بايقاۋلار مەن كونتسەرتتەر ۇيىمداستىرىلدى. سپورتتىق ويىندار وتە قىزىقتى بولدى»،- دەپ ءبولىستى سەرگەەۆكا اۋىلى مەكتەبىنىڭ 5-ءشى سىنىپ وقۋشىسى ەگەل دايانا.
«تاماشا «چايكا» لاگەرىنە باردىم. بۇل مەن بولعان ەڭ جاقسى لاگەر، ماعان ءبارى ۇنادى، ورنالاسقان جەرى مەن كورپۋستارى، وتە مەيىرىمدى، جىگەرلى كەڭەسشىلەر، كۇنىنە 5 مەزگىل تاماشا تاماق، بىردە-ءبىر بوس مينۋت بولمادى، مەن ۇنەمى قوزعالىستا بولدى، بۇل وتە قىزىقتى بولدى. مەن بۇل لاگەرگە قايتا-قايتا بارعىم كەلەدى!!! مەن قۋانىشتىمىن!»،- دەپ ايتتى نوۆوسەلسكايا ورتا مەكتەبىنىڭ وقۋشىسى سادۆاكاسوۆا ديلناز.
جازعى كەزەڭدە ساۋىقتىرۋ لاگەرى 7 اۋىسىمدى قابىلداۋدى جوسپارلاپ وتىر-بۇل 1000-نان استام بالا. اقمولا وبلىسىندا جاز بويى قالا سىرتىنداعى لاگەرلەردە بارلىعى 14 500 وقۋشىنى قامتۋ جوسپارلانۋدا.
سونىمەن قاتار، 3 ماۋسىمنان باستاپ قالا سىرتىنداعى دەمالىسقا قوسىمشا 488 مەكتەپ جانىنداعى الاڭ، 49 شاتىرلى، كيىز ءۇي لاگەرلەرى ۇيىمداستىرىلدى، ولار جاز بويى 90 مىڭعا جۋىق بالا قابىلدايدى.
