«Chaıka» saýyqtyrý lageriniń birinshi maýsymy aıaqtaldy. A.j. 9-18 maýsym aralyǵynda Atbasar, Esil, Jaqsy aýdandarynyń, Kókshetaý qalasynyń balalary Soltústik Qazaqstan oblysynyń Aıyrtaý aýdanynda ornalasqan kórkem jerde demalýǵa múmkindik aldy.
Lagerdegi barlyq aýysym kóńildi, qyzý ótti, kún saıyn qyzyqty oqıǵalar men is-sharalarǵa toly boldy. Balalar «Dýman» pedagogıkalyq jasaǵynyń tájirıbeli tálimgerleri ótkizgen túrli is-sharalar men oıyndarǵa qatysty.
Demalyp kelgen balalar ótkizilgen ýaqyt týraly óz áserlerimen bólisti.
«"Chaıka" lagerinde on kúndeı demaldym. Osy jerde ózime aıtalmastaı kúsh- jiger aldym. Jáne de kóp dos tabyldy.Lagerdiń ujymy erekshe adamdar, olardyń jylýyn sezdim. Balalar úshin baıqaýlar men konertter uıymdastyryldy. Sporttyq oıyndar óte qyzyqty boldy»,- dep bólisti Sergeevka aýyly mektebiniń 5-shi synyp oqýshysy Egel Daıana.
«Tamasha «Chaıka» lagerine bardym. Bul men bolǵan eń jaqsy lager, maǵan bári unady, ornalasqan jeri men korpýstary, óte meıirimdi, jigerli keńesshiler, kúnine 5 mezgil tamasha tamaq, birde-bir bos mınýt bolmady, men únemi qozǵalysta boldy, bul óte qyzyqty boldy. Men bul lagerge qaıta-qaıta barǵym keledi!!! Men qýanyshtymyn!»,- dep aıtty Novoselskaıa orta mektebiniń oqýshysy Sadvakasova Dılnaz.
Jazǵy kezeńde saýyqtyrý lageri 7 aýysymdy qabyldaýdy josparlap otyr-bul 1000-nan astam bala. Aqmola oblysynda jaz boıy qala syrtyndaǵy lagerlerde barlyǵy 14 500 oqýshyny qamtý josparlanýda.
Sonymen qatar, 3 maýsymnan bastap qala syrtyndaǵy demalysqa qosymsha 488 mektep janyndaǵy alań, 49 shatyrly, kıiz úı lagerleri uıymdastyryldy, olar jaz boıy 90 myńǵa jýyq bala qabyldaıdy.
