18 ماۋسىمدا قازاقستاندىق ريزات ۇلان 8 جاسقا دەيىنگى شاحماتتان ازيا چەمپيونى اتاندى. دودا الماتى قالاسىندا ءوتتى، دەپ حابارلايدى «ادىرنا» ءتىلشىسى
جاس شاحماتشى قارسىلاستارىن چەمپيوناتتىڭ اياقتالۋىنا 1 تۋر قالعاندا جەڭدى.
U8 ساناتىندا ريزات ۇلان (1733) 7½ ۇپاي جينادى.
ەستەرىڭىزگە سالا كەتەيىك، بىرنەشە كۇن بۇرىن راپيد جارىسىنىڭ العاشقى جەڭىمپازدارى بەلگىلى بولعان. راپيدتە التىن مەدال يەگەرلەرى – 4 قازاقستاندىق، 3 فيدە (رەسەي) شاحماتشىسى، ءۇندىستان (3), ۆەتنام (1) جانە يراننان (1) كەلگەن جاس شاحماتشىلارى بولدى.
650-گە جۋىق ازيالىق ءجاسوسپىرىمنىڭ باسىن قوسقان اۋقىمدى چەمپيوناتتىڭ جابىلۋ سالتاناتى مەن جەڭىمپازداردى ماراپاتتاۋ ءراسىمى 20 ماۋسىم كۇنى ساعات 19.00-دە بالۋان شولاق اتىنداعى سپورت سارايىندا وتەدى.
