«تاڭبالى» عىلىمي قىزمەتكەرلەرى حالىقارالىق تاريحي-ارحەولوگيالىق ەكسپەديتسيا وتكەن قوعالى القابىندا قازبا جۇمىستارى كەزىندە سەنساتسيالىق جاڭالىق اشتى. زەرتتەۋشىلەر ەلىمىزدە وتە سيرەك كەزدەسەتىن تيىندى تاپتى. بۇل تۋرالى 19 ماۋسىمدا مادەنيەت جانە اقپارات مينيسترلىگىنىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
تۇركى-سوعدى ەرتە ورتاعاسىرلىق نۋميزماتيكا سالاسىنداعى مامانداردىڭ پىكىرىنشە، بۇل مونەتا VII عاسىردىڭ ورتاسىنان باستاپ قولدانىلعان. ەكسپەديتسيا زەرتتەۋ جۇرگىزگەن كوعالى القابىنىڭ ەسكەرتكىشتەرى VII-VIII عاسىرلاردىڭ العاشقى جارتىسىندا جەتىسۋ جەرىن مەكەندەگەن باتىس تۇرىكتەردىڭ مادەنيەتىنە جاتادى.
«قازىر «تاڭبالى» عىلىمي-رەستاۆراتسيالىق زەرتحاناسىندا بىرەگەي ارتەفاكتقا قاتىستى العاشقى كونسەرۆاتسيالىق جۇمىستار جۇرگىزىلۋدە. ارحەولوگيالىق قازبا جۇمىستارى ءالى دە جالعاسىپ جاتىر»،—دەدى مينيسترلىكتىڭ ءباسپاسوز قىزمەتى.
