كەنيادا نوسەر جاۋىن مەن سۋ تاسقىنىنان 174 ادام قازا تاپتى.بۇل تۋرالى سينحۋا اگەنتتىگى جاريالادى، دەپ حابارلايدى ”ادىرنا” ۇلتتىق پورتالى.
اقپارات بويىنشا، كەنيا ۇكىمەتىنىڭ رەسمي وكىلى يسااك مۆاۋرا نايروبيدە جۋرناليستەرگە بەرگەن سۇحباتىندا ەلدىڭ وڭتۇستىك-شىعىسىنداعى تانا وزەنى ايماعى مەن لامۋ ايماعى سۋ تاسقىنى بولعانىن ايتقان.
«سوڭعى ءۇش كۇندە 6 ادام كوشكىننىڭ استىندا قالدى. توتەنشە جاعدايلاردى باسقارۋ ۇلتتىق ورتالىعى سوڭعى وقيعالاردىڭ سالدارىن ازايتۋ ءۇشىن قۇزىرلى مەكەمەلەر مەن جەرگىلىكتى اتقارۋشى ورگاندارمەن بىرلەسىپ، سۋ تاسقىنى جاعدايىن ءجىتى باقىلاۋدى جالعاستىرۋدا. قازان ايىنان بەرى ال-نينو قۇبىلىسى تۋدىرعان تولاسسىز جاۋعان جاڭبىر 47 اۋداننىڭ 38-ىنە اسەر ەتىپ، قاتتى سۋ تاسقىنىنا اكەلگەن. يسااك مۆاۋرا ەلدىڭ وڭتۇستىك-شىعىسىنداعى تانا وزەنى ايماعى مەن لامۋ ايماعى سۋ تاسقىنىنان ەڭ قاتتى زارداپ شەككەنىن ايتتى. بۇل ايماقتاردا توتەنشە جاعدايدى جويۋ جانە حالىققا كومەك كورسەتۋ جۇمىستارى جالعاسۋدا»، – دەلىنگەن حابارلامادا.
سونىمەن قاتار، كەنيانىڭ مەتەورولوگيالىق قىزمەتى قازان ايىندا باستالعان قالىپتان تىس اۋا رايى 2024 جىلدىڭ قاڭتارىنا دەيىن جالعاسادى دەپ بولجاپ وتىر.
