اقتاۋداعى كاسپي تەڭىزى جاعالاۋىندا «112 Resort Aktau» resort-كەشەنىنىڭ قۇرىلىسى جالعاسىپ جاتىر، دەپ حابارلايدى "ادىرنا" ۇلتتىق پورتالى.
بۇل توتەنشە جاعدايلار قىزمەتكەرلەرىنە ارنالعان العاشقى دەمالىس ورتالىعى بولماق.
جوبا توتەنشە جاعدايلار ءمينيسترى گەنەرال-لەيتەنانت شىڭعىس ءارىنوۆتىڭ باستاماسىمەن جانە قازاقستاندىق قۇتقارۋشىلاردىڭ جەكە قورىنىڭ قولداۋىمەن جۇزەگە اسىرىلىپ جاتقانى ايتىلدى.
جوبانىڭ العاشقى كەزەڭىندە اكىمشىلىك بلوك، كاپسۋلالىق ۇيلەر، باسسەيندەر، سپورت الاڭدارى مەن سەرۋەندەۋ ايماقتارىن سالۋ جوسپارلانعان. الداعى ۋاقىتتا كەشەن اۋماعىندا قوناقۇي، SPA-ورتالىق، تەننيس كورتى، پيرس، ۆوركاۋت الاڭى، ءدامحانا جانە وتباسىلىق دەمالىس ورىندارى بوي كوتەرمەك.
ء«بىز ءوز قىزمەتكەرلەرىمىز بەن ولاردىڭ وتباسىلارى ءۇشىن لايىقتى جاعداي جاساۋىمىز كەرەك. قۇتقارۋشىلار تاۋلىك بويى قىزمەت اتقارىپ، كۇردەلى جاعدايدا جۇمىس ىستەيدى. ولاردىڭ تولىققاندى دەمالىپ، جاقىندارىمەن ۋاقىت وتكىزۋىنە مۇمكىندىك بولۋى ءتيىس»، – دەدى شىڭعىس ءارىنوۆ.
