بۇگىن مۇحتار جاكىشەۆتى مەرزىمىنەن بوساتۋ جونىندە سوت وتىرىسى ءوتىپ جاتىر دەپ جازادى adyrna.kz ۇلتتىق پورتالى. سوت وتىرىسىنا مۇحتار جاكىشەۆتى قولداۋعا 50-گە جۋىق ادام كەلدى.
سوت بارىسىندا مۇحتار جاكىشەۆتىڭ ادۆوكاتى دەنساۋلىعىنىڭ ناشارلىعى جانە كىناسىزدىگى جونىندە ءتۇرلى دەرەكتەر كەلتىرىلدى. مۇحتار جاكىشەۆ وتىرعان كولونيانىڭ باسشىلىعى مەن دارىگەرلەرى بوساتىلۋىن قالاپ وتىر. ال جاكىشەۆتىڭ ءوزى "مەنى ايىپتاۋلارىڭ نەگىزسىز" دەۋدە. ەندى سوڭعى ءسوزدى سوت ايتادى!
ەستەرىڭىزگە سالا كەتەيىك، مۇحتار جاكىشەۆ 2009 جىلدىڭ مامىر ايىندا ءوزى باسقاراتىن «قازاتومپروم» كومپانياسىنىڭ استاناداعى كەڭسەسىندە تۇتقىندالدى. ارادا ءۇش كۇن وتكەندە «مەملەكەت مۇلكىن جەكە ماقساتىنا پايدالانىپ، قازاقستاننىڭ ءىرى ۋران كەن ورىندارىنان وففشورداعى فيرمالاردىڭ مۇددەسى ءۇشىن «دوليا» الدى» دەگەن ايىپ بويىنشا قاماۋعا الىندى. جاكىشەۆ سودان بەرى تۇرمەدە ءالى وتىر.
"ادىرنا" ۇلتتىق پورتالى
