Halyk Bank قر ۇلتتىق باسكەتبول فەدەراتسياسىمەن بىرلەسىپ وسىمەن 16-شى جىل بۇكىل قازاقستان بويىنشا بالالار ۇيلەرى مەن مەكتەپ-ينتەرناتتارىنىڭ تاربيەلەنۋشىلەرى اراسىندا "حالىق ليگاسى" الەۋمەتتىك جوباسىن جۇزەگە اسىرىپ جاتىر. بيىل دا Halyk وسى ءداستۇردى جالعاستىرماق.
2024 جىلدىڭ اقپان ايىنان باستاپ ەلىمىزدىڭ 16 وڭىرىنەن 364-تەن اسا بالا كاسىبي جاتتىقتىرۋشىلاردان باسكەتبول ويناۋدى ۇيرەنەدى. جوباعا اتىراۋ، تالدىقورعان، شقو، تۇركىستان وبلىسى، پەتروپاۆل، پاۆلودار، سەمەي، اقكول، ەكىباستۇز، قاراعاندى، الماتى، رۋدنىي، قىزىلوردا، شىمكەنت، ورال جانە تاراز قالالارىنان بالالار ۇيلەرى مەن مەكتەپ-ينتەرناتتارىنىڭ تاربيەلەنۋشىلەرى قاتىسادى.
"حالىق ليگاسى" - بۇل جاي عانا سپورتتىق جوبا ەمەس، بۇل قيىن جاعدايعا تاپ بولعان بالالاردى قولداۋ مەن دامىتۋعا ارنالعان الەۋمەتتىك ميسسيا. Halyk وسىنداي باستامالاردىڭ ماڭىزدىلىعىن تۇسىنە وتىرىپ، جاس ۇرپاقتى قولداۋعا ەرەكشە كوڭىل بولەدى. جوبا سالاۋاتتى ءومىر سالتىن ناسيحاتتاۋعا جانە بالالار ۇيلەرى مەن مەكتەپ-ينتەرناتتارىنىڭ تاربيەلەنۋشىلەرىنىڭ بوس ۋاقىتىن ۇيىمداستىرۋعا باعىتتالعان. ءبىز جىل سايىن قاتىسۋشىلاردىڭ سانى ارتىپ كەلە جاتقانىن كورەمىز. ەگەر وتكەن جىلى ەلىمىزدىڭ 16 وڭىرىنەن 290-عا جۋىق بالا باسكەتبول ويىنىن ۇيرەنسە، بيىل 360-تان اسا بالا بار", - دەدى ولگا ۆۋروس، Halyk باسقارما توراعاسىنىڭ ورىنباسارى ءارى جوبا كۋراتورى.
"حالىق ليگاسىنىڭ" ارقاسىندا كوپتەگەن بالالار ومىردە ءوز جولىن تاۋىپ، تانىمال بولىپ، بولاشاق ماماندىقتارىن تاڭدايدى. جوبا جاقسى وقۋعا جانە سپورتپەن شۇعىلدانۋعا ىنتالاندىرۋ، سونداي-اق، حالىقارالىق دەڭگەيدەگى جاتتىقتىرۋشىلار مەن تورەشىلەر الدىندا ءوز جەتىستىكتەرىن كورسەتۋگە تاماشا مۇمكىندىك بولدى.
ايتا كەتەيىك، جوبا باستالعالى "حالىق ليگاسى" ارقىلى 3,5 مىڭنان اسا بالا وقۋدان ءوتتى، 50–دەن استامى - قر سپورت شەبەرىنە كانديداتتار، 3-ءى - قر سپورت شەبەرلەرى. سونداي-اق، "حالىق ليگاسىنا" قاتىسقان بالالار ءۇيى مەن ينتەرنات تۇلەكتەرى سپورتتىق مانسابىن كاسىبي كلۋبتاردا دا، باسكەتبول جاتتىقتىرۋشىلارى رەتىندە دە جالعاستىرىپ جاتىر.
وسىنداي ۇزاق جاتتىعۋلاردان كەيىن ء"ۇمىت كۋبوگى" چەمپيوناتى وتەدى. بيىل كۋبوك 18 ماۋسىمداوتەدى. 24 كوماندا الماتىعا كەلىپ، بار ونەرىن كورسەتەدى.
"حالىق ليگاسى" - قيىن جاعدايدا جۇرگەن بالالارىمىزدىڭ دامۋىنا ايتارلىقتاي اسەر ەتەتىن بىرەگەي جانە ماڭىزدى جوبا. ءبىز سپورتتى ناسيحاتتاپ قانا قويماي، بالالاردى جارقىن بولاشاققا شابىتتاندىراتىن وسى باستامانىڭ ءبىر بولىگى ەكەنىمىزدى ماقتان تۇتامىز. جىل سايىن ءبىز قاتىسۋشىلار سانىنىڭ جانە ولاردىڭ سپورتتىق جەتىستىكتەرىنىڭ ءوسىمىن كورىپ وتىرمىز. 3,5 مىڭنان اسا بالا وسى جوبادان ءوتتى، ولاردىڭ كوپشىلىگى قازاقستان رەسپۋبليكاسىنىڭ كانديداتتارى مەن سپورت شەبەرلەرى بولدى، سونداي-اق كاسىبي كلۋبتاردا جانە جاتتىقتىرۋشى قىزمەتىندە سپورتتىق مانسابىن جالعاستىرىپ جاتىر. بۇل جوبا بالالاردى باسكەتبولعا ۇيرەتىپ قانا قويماي، ولاردى تۇلعا رەتىندە قالىپتاستىرادى، ولارعا وزدەرىن دالەلدەۋگە جانە تابىستى مانساپ قۇرۋعا مۇمكىندىك بەرەدى. ءبىز Halyk Bank – كە وسى ماڭىزدى ىستەگى قولداۋى مەن سەرىكتەستىگى ءۇشىن العىس ايتامىز جانە ەلىمىزدىڭ تۇكپىر-تۇكپىرىنەن ۇزدىك كوماندالاردى جينايتىن ء"ۇمىت كۋبوگى" چەمپيوناتىن وتكىزۋدى اسىعا كۇتەمىز", - دەدى قازاقستان باسكەتبول فەدەراتسياسىنىڭ باس حاتشىسى الماز ۇزاقوۆ.
بۇل جوبا - Halyk-تىڭ الەۋمەتتىك جاۋاپكەرشىلىگى مەن ۇلت بولاشاعىنا قوسقان ۇلەسىنىڭ جارقىن ۇلگىسى. وسىلايشا، سپورت تەك ويىن-ساۋىق ەمەس، سونىمەن قاتار قازاقستاننىڭ جاس ۇرپاعى ءۇشىن جاڭا ءومىر شىڭدارىنا باستاۋ بولا الاتىنىن كورسەتەدى.
