Halyk Bank QR Ūlttyq basketbol federasiiasymen bırlesıp osymen 16-şy jyl bükıl Qazaqstan boiynşa balalar üilerı men mektep-internattarynyŋ tärbielenuşılerı arasynda "Halyq ligasy" äleumettık jobasyn jüzege asyryp jatyr. Biyl da Halyk osy dästürdı jalǧastyrmaq.
2024 jyldyŋ aqpan aiynan bastap elımızdıŋ 16 öŋırınen 364-ten asa bala käsıbi jattyqtyruşylardan basketbol oinaudy üirenedı. Jobaǧa Atyrau, Taldyqorǧan, ŞQO, Türkıstan oblysy, Petropavl, Pavlodar, Semei, Aqköl, Ekıbastūz, Qaraǧandy, Almaty, Rudnyi, Qyzylorda, Şymkent, Oral jäne Taraz qalalarynan balalar üilerı men mektep-internattarynyŋ tärbielenuşılerı qatysady.
"Halyq ligasy" - būl jai ǧana sporttyq joba emes, būl qiyn jaǧdaiǧa tap bolǧan balalardy qoldau men damytuǧa arnalǧan äleumettık missiia. Halyk osyndai bastamalardyŋ maŋyzdylyǧyn tüsıne otyryp, jas ūrpaqty qoldauǧa erekşe köŋıl böledı. Joba salauatty ömır saltyn nasihattauǧa jäne balalar üilerı men mektep-internattarynyŋ tärbielenuşılerınıŋ bos uaqytyn ūiymdastyruǧa baǧyttalǧan. Bız jyl saiyn qatysuşylardyŋ sany artyp kele jatqanyn köremız. Eger ötken jyly elımızdıŋ 16 öŋırınen 290-ǧa juyq bala basketbol oiynyn üirense, biyl 360-tan asa bala bar", - dedı Olga Vuros, Halyk Basqarma töraǧasynyŋ orynbasary ärı joba kuratory.
"Halyq ligasynyŋ" arqasynda köptegen balalar ömırde öz jolyn tauyp, tanymal bolyp, bolaşaq mamandyqtaryn taŋdaidy. Joba jaqsy oquǧa jäne sportpen şūǧyldanuǧa yntalandyru, sondai-aq, halyqaralyq deŋgeidegı jattyqtyruşylar men töreşıler aldynda öz jetıstıkterın körsetuge tamaşa mümkındık boldy.
Aita keteiık, joba bastalǧaly "Halyq ligasy" arqyly 3,5 myŋnan asa bala oqudan öttı, 50–den astamy - QR sport şeberıne kandidattar, 3-ı - QR sport şeberlerı. Sondai-aq, "Halyq ligasyna" qatysqan balalar üiı men internat tülekterı sporttyq mansabyn käsıbi klubtarda da, basketbol jattyqtyruşylary retınde de jalǧastyryp jatyr.
Osyndai ūzaq jattyǧulardan keiın "Ümıt Kubogy" chempionaty ötedı. Biyl Kubok 18 mausymdaötedı. 24 komanda Almatyǧa kelıp, bar önerın körsetedı.
"Halyq ligasy" - qiyn jaǧdaida jürgen balalarymyzdyŋ damuyna aitarlyqtai äser etetın bıregei jäne maŋyzdy joba. Bız sportty nasihattap qana qoimai, balalardy jarqyn bolaşaqqa şabyttandyratyn osy bastamanyŋ bır bölıgı ekenımızdı maqtan tūtamyz. Jyl saiyn bız qatysuşylar sanynyŋ jäne olardyŋ sporttyq jetıstıkterınıŋ ösımın körıp otyrmyz. 3,5 myŋnan asa bala osy jobadan öttı, olardyŋ köpşılıgı Qazaqstan Respublikasynyŋ kandidattary men sport şeberlerı boldy, sondai-aq käsıbi klubtarda jäne jattyqtyruşy qyzmetınde sporttyq mansabyn jalǧastyryp jatyr. Būl joba balalardy basketbolǧa üiretıp qana qoimai, olardy tūlǧa retınde qalyptastyrady, olarǧa özderın däleldeuge jäne tabysty mansap qūruǧa mümkındık beredı. Bız Halyk Bank – ke osy maŋyzdy ıstegı qoldauy men serıktestıgı üşın alǧys aitamyz jäne elımızdıŋ tükpır-tükpırınen üzdık komandalardy jinaityn "Ümıt Kubogy" chempionatyn ötkızudı asyǧa kütemız", - dedı Qazaqstan basketbol federasiiasynyŋ bas hatşysy Almaz Ūzaqov.
Būl joba - Halyk-tyŋ äleumettık jauapkerşılıgı men ūlt bolaşaǧyna qosqan ülesınıŋ jarqyn ülgısı. Osylaişa, sport tek oiyn-sauyq emes, sonymen qatar Qazaqstannyŋ jas ūrpaǧy üşın jaŋa ömır şyŋdaryna bastau bola alatynyn körsetedı.
