Halyk Bank QR Ulttyq basketbol federaııasymen birlesip osymen 16-shy jyl búkil Qazaqstan boıynsha balalar úıleri men mektep-ınternattarynyń tárbıelenýshileri arasynda "Halyq lıgasy" áleýmettik jobasyn júzege asyryp jatyr. Bıyl da Halyk osy dástúrdi jalǵastyrmaq.
2024 jyldyń aqpan aıynan bastap elimizdiń 16 óńirinen 364-ten asa bala kásibı jattyqtyrýshylardan basketbol oınaýdy úırenedi. Jobaǵa Atyraý, Taldyqorǵan, ShQO, Túrkistan oblysy, Petropavl, Pavlodar, Semeı, Aqkól, Ekibastuz, Qaraǵandy, Almaty, Rýdnyı, Qyzylorda, Shymkent, Oral jáne Taraz qalalarynan balalar úıleri men mektep-ınternattarynyń tárbıelenýshileri qatysady.
"Halyq lıgasy" - bul jaı ǵana sporttyq joba emes, bul qıyn jaǵdaıǵa tap bolǵan balalardy qoldaý men damytýǵa arnalǵan áleýmettik mıssııa. Halyk osyndaı bastamalardyń mańyzdylyǵyn túsine otyryp, jas urpaqty qoldaýǵa erekshe kóńil bóledi. Joba salaýatty ómir saltyn nasıhattaýǵa jáne balalar úıleri men mektep-ınternattarynyń tárbıelenýshileriniń bos ýaqytyn uıymdastyrýǵa baǵyttalǵan. Biz jyl saıyn qatysýshylardyń sany artyp kele jatqanyn kóremiz. Eger ótken jyly elimizdiń 16 óńirinen 290-ǵa jýyq bala basketbol oıynyn úırense, bıyl 360-tan asa bala bar", - dedi Olga Výros, Halyk Basqarma tóraǵasynyń orynbasary ári joba kýratory.
"Halyq lıgasynyń" arqasynda kóptegen balalar ómirde óz jolyn taýyp, tanymal bolyp, bolashaq mamandyqtaryn tańdaıdy. Joba jaqsy oqýǵa jáne sportpen shuǵyldanýǵa yntalandyrý, sondaı-aq, halyqaralyq deńgeıdegi jattyqtyrýshylar men tóreshiler aldynda óz jetistikterin kórsetýge tamasha múmkindik boldy.
Aıta keteıik, joba bastalǵaly "Halyq lıgasy" arqyly 3,5 myńnan asa bala oqýdan ótti, 50–den astamy - QR sport sheberine kandıdattar, 3-i - QR sport sheberleri. Sondaı-aq, "Halyq lıgasyna" qatysqan balalar úıi men ınternat túlekteri sporttyq mansabyn kásibı klýbtarda da, basketbol jattyqtyrýshylary retinde de jalǵastyryp jatyr.
Osyndaı uzaq jattyǵýlardan keıin "Úmit Kýbogy" chempıonaty ótedi. Bıyl Kýbok 18 maýsymdaótedi. 24 komanda Almatyǵa kelip, bar ónerin kórsetedi.
"Halyq lıgasy" - qıyn jaǵdaıda júrgen balalarymyzdyń damýyna aıtarlyqtaı áser etetin biregeı jáne mańyzdy joba. Biz sportty nasıhattap qana qoımaı, balalardy jarqyn bolashaqqa shabyttandyratyn osy bastamanyń bir bóligi ekenimizdi maqtan tutamyz. Jyl saıyn biz qatysýshylar sanynyń jáne olardyń sporttyq jetistikteriniń ósimin kórip otyrmyz. 3,5 myńnan asa bala osy jobadan ótti, olardyń kópshiligi Qazaqstan Respýblıkasynyń kandıdattary men sport sheberleri boldy, sondaı-aq kásibı klýbtarda jáne jattyqtyrýshy qyzmetinde sporttyq mansabyn jalǵastyryp jatyr. Bul joba balalardy basketbolǵa úıretip qana qoımaı, olardy tulǵa retinde qalyptastyrady, olarǵa ózderin dáleldeýge jáne tabysty mansap qurýǵa múmkindik beredi. Biz Halyk Bank – ke osy mańyzdy istegi qoldaýy men seriktestigi úshin alǵys aıtamyz jáne elimizdiń túkpir-túkpirinen úzdik komandalardy jınaıtyn "Úmit Kýbogy" chempıonatyn ótkizýdi asyǵa kútemiz", - dedi Qazaqstan basketbol federaııasynyń bas hatshysy Almaz Uzaqov.
Bul joba - Halyk-tyń áleýmettik jaýapkershiligi men ult bolashaǵyna qosqan úlesiniń jarqyn úlgisi. Osylaısha, sport tek oıyn-saýyq emes, sonymen qatar Qazaqstannyń jas urpaǵy úshin jańa ómir shyńdaryna bastaý bola alatynyn kórsetedi.
