12 ماۋسىم كۇنى استانادا قۇربان ايت مەرەكەسىنە بايلانىستى وتكەن ءباسپاسوز ءماسليحاتىندا باس ءمۇفتي ناۋرىزباي قاجى تاعانۇلى كاسىپكەرلەرگە ۇندەۋ جاسادى، دەپ حابارلايدى «ادىرنا» ءتىلشىسى.
«ءبىز قاشان دا وزگەلەرگە قايىرىمدىلىق جاساپ، اينالامىزعا شۋاعىمىزدى توگىپ، ۇلكەندەردىڭ العىسى مەن باتاسىن الىپ، ءوسىپ-ونگەن ەلمىز. حالقىمىزدا «قايىرىمدىلىق جاساساڭ – قايىرىن ءوزىڭ كورەسىڭ» دەگەن ناقىل ءسوز بار. وسى رەتتە ەلىمىزدەگى بارشا كاسىپكەر ازاماتتاردى قۇربان ايتتىڭ قۇرمەتىنە مال قۇنىن قولدان كوتەرمەي، حالىقتىڭ الەۋمەتتىك جاعدايىن ەسكەرىپ، وڭتايلى باعا ۇسىنۋعا، جۇرتىمىز كۇندە تۇتىناتىن ازىق-تۇلىككە مۇمكىندىگىنشە جەڭىلدىك جاساۋعا شاقىرامىن»،—دەدى ول.
ايتا كەتەيىك، بۇعان دەيىن قازاقستان مۇسىلماندارى ءدىني باسقارماسى بيىل قۇربان ايت مەرەكەسىنىڭ ءبىرىنشى كۇنى 16 ماۋسىمعا سايكەس كەلەتىنىن مالىمدەگەن ەدى.
