12 maýsym kúni Astanada Qurban aıt merekesine baılanysty ótken baspasóz máslıhatynda Bas múftı Naýryzbaı qajy Taǵanuly kásipkerlerge úndeý jasady, dep habarlaıdy «Adyrna» tilshisi.
«Biz qashan da ózgelerge qaıyrymdylyq jasap, aınalamyzǵa shýaǵymyzdy tógip, úlkenderdiń alǵysy men batasyn alyp, ósip-óngen elmiz. Halqymyzda «Qaıyrymdylyq jasasań – qaıyryn óziń kóresiń» degen naqyl sóz bar. Osy rette elimizdegi barsha kásipker azamattardy Qurban aıttyń qurmetine mal qunyn qoldan kótermeı, halyqtyń áleýmettik jaǵdaıyn eskerip, ońtaıly baǵa usynýǵa, jurtymyz kúnde tutynatyn azyq-túlikke múmkindiginshe jeńildik jasaýǵa shaqyramyn»,—dedi ol.
Aıta keteıik, buǵan deıin Qazaqstan musylmandary dinı basqarmasy bıyl Qurban aıt merekesiniń birinshi kúni 16 maýsymǵa sáıkes keletinin málimdegen edi.
