اقمولا وبلىسىنىدا 2024 جىلعى 3 ماۋسىم مەن 7 ماۋسىم ارالىعىندا زەرەندى اۋدانىنىڭ شاعىن جيناقتالعان مەكتەپ وقۋشىلارى ءۇشىن «ءبىر اپتا قالادا» ءىس- شاراسى ءوتتى.
«ءبىر اپتا قالادا» ءىس - شاراسىنىڭ ماقساتى اۋىلدا تۇراتىن وقۋشىلارعا اقمولا وبلىسى ورتالىعىنىڭ الەۋمەتتىك جانە ەكونوميكالىق، ونەركاسىپتىك، ءبىلىم بەرۋ جانە دەمالىس سالاسىنىڭ جۇيەسىنىڭ دامۋى تۋرالى ۇسىنۋ بولىپ تابىلادى»،- دەدى ۇيىمداستىرۋشىلار، وبلىستىق دەنەشىنىقتىرۋ، تۋريزم جانە العاشقى اسكەري-تەحنولوگيالىق دايىندىق ورتالىعى.
3 ماۋسىم كۇنى زەرەندى اۋدانىنىڭ 7-8 سىنىپ وقۋشىلارى كوكشەتاۋ ق. قۇرىلىس-تەحنولوگيالىق كوللەدجى بازاسىندا ورنالاستىرىلدى. بالالار كوكشەتاۋ قالاسىنىڭ كوللەدجەرىنە ەكسكۋرسيا جاساپ ماماندىقتار تۋرالى مالىمەتتەر الدى. «سينەما-الەم» كينوتەاترىنا بارىپ كينو كوردى. 4 ماۋسىم كۇنى بۋراباي بويىنشا شولۋ ەكسكۋرسياسىنا بارىپ ششۋچينسك قالاسىنىڭ تابيعات مۋزەيىنە، ابىلاي-حان الاڭىنا، جىلقى اۋلاسىنا بارىپ تانىستى. اشىق اسپان استىنداعى بوتاي-بۋراباي مۋزەيىنە بارىپ تاريحي ەسكەرتكىشتەرمەن تانىسىپ، كورىپ قايتتى.
5 ماۋسىم كۇنى «نوۆوپەك» جشس-نە، ىشكى ىستەر دەپارتامەنتىنىڭ مۇراجايىنا جانە 5510 اسكەري بولىمىنە باردى. 6 ماۋسىم كۇنى ش.ءۋاليحانوۆ، ا.مىرزاحمەتوۆ اتىنداعى كوكشەتاۋ ۋنيۆەرسيتەتىندە بولدى. اقمولا وبلىستىق تاريحي-ولكەتانۋ مۋزەيىن ارالاپ، تاريحي جادىگەرلەرمەن تانىسىپ كەلدى.
«ماعان وسى جوبا قاتتى ۇنادى. اسىرەسە بۋرابايعا، مۇراجاي، كىتاپحانالاردا كوپتەگەن قىزىقتى مالىمەت الدىق. جوبا ۇيىمداستىرۋشىلارىنا العىسىم شەكسىز»، - دەپ ءبولىستى قاناي بي نەگىزگى مەكتەبىنىڭ وقۋشىسى جولداس ايىم.
7 ماۋسىم سوڭعى كۇنى بولاشاق سارايىندا بولىپ، قالا بويىنشا شولۋ ەكسكۋرسياسىن ارالاپ جاعىمدى اسەر الىپ ۇيلەرىنە ورالدى.
