Aqmola oblysynyda 2024 jylǵy 3 maýsym men 7 maýsym aralyǵynda Zerendi aýdanynyń shaǵyn jınaqtalǵan mektep oqýshylary úshin «Bir apta qalada» is- sharasy ótti.
«Bir apta qalada» is - sharasynyń maqsaty aýylda turatyn oqýshylarǵa Aqmola oblysy ortalyǵynyń áleýmettik jáne ekonomıkalyq, ónerkásiptik, bilim berý jáne demalys salasynyń júıesiniń damýy týraly usyný bolyp tabylady»,- dedi uıymdastyrýshylar, oblystyq deneshynyqtyrý, týrızm jáne alǵashqy áskerı-tehnologııalyq daıyndyq ortalyǵy.
3 maýsym kúni Zerendi aýdanynyń 7-8 synyp oqýshylary Kókshetaý q. Qurylys-tehnologııalyq kolledji bazasynda ornalastyryldy. Balalar Kókshetaý qalasynyń kolledjerine ekskýrsııa jasap mamandyqtar týraly málimetter aldy. «Sınema-Alem» kınoteatryna baryp kıno kórdi. 4 maýsym kúni Býrabaı boıynsha sholý ekskýrsııasyna baryp ýchınsk qalasynyń tabıǵat mýzeıine, Abylaı-han alańyna, jylqy aýlasyna baryp tanysty. Ashyq aspan astyndaǵy Botaı-Býrabaı mýzeıine baryp tarıhı eskertkishtermen tanysyp, kórip qaıtty.
5 maýsym kúni «Novopek» JShS-ne, Ishki ister departamentiniń murajaıyna jáne 5510 áskerı bólimine bardy. 6 maýsym kúni Sh.Ýálıhanov, A.Myrzahmetov atyndaǵy Kókshetaý ýnıversıtetinde boldy. Aqmola oblystyq tarıhı-ólketaný mýzeıin aralap, tarıhı jádigerlermen tanysyp keldi.
«Maǵan osy joba qatty unady. Ásirese Býrabaıǵa, murajaı, kitaphanalarda kóptegen qyzyqty málimet aldyq. Joba uıymdastyrýshylaryna alǵysym sheksiz», - dep bólisti Qanaı bı negizgi mektebiniń oqýshysy Joldas Aıym.
7 maýsym sońǵy kúni Bolashaq saraıynda bolyp, qala boıynsha sholý ekskýrsııasyn aralap jaǵymdy áser alyp úılerine oraldy.
