قاراعاندىدا كوكجوتەلدەن التى ايلىق نارەستە شەتىنەدى - مينيستر

1804
Adyrna.kz Telegram
https://adyrna.kz/content/uploads/2023/10/1770ebef-a1ab-4870-bf9d-fbdf37d4871a-960x500.jpeg?token=359d49bc9ae642b3ad7ab4c6d7fcbfa2
قاراعاندىدا نارەستە كوكجوتەلدەن شەتىنەپ كەتتى، دەپ حابارلايدى "ادىرنا" ۇلتتىق پورتالى.
قاراعاندى وبلىسىندا التى ايلىق نارەستە كوكجوتەل ءتيىپ، قازا تاپتى. بۇل تۋرالى دەنساۋلىق ساقتاۋ ءمينيسترى اقمارال ءالنازاروۆا مالىمدەدى.
«قاراعاندى وبلىسىندا ءبىر بالا كوكجوتەلدەن شەتىنەدى. ول كوكجوتەلگە قارسى ۆاكتسينا الماعان. بالا التى ايلىق»، - دەدى ول 11 ماۋسىم كۇنى وتكەن ۇكىمەتتەگى بريفينگتە.
دەنساۋلىق ساقتاۋ ءمينيسترى وسى اقپاراتتى راستاي وتىرىپ بالالار اراسىندا قاۋىپتى اۋرۋلارعا قارسى ۆاكتسينا ۋاقىتىندا سالىنباعاندىقتان، جۇقپالى اۋرۋلار كوبەيىپ كەتكەنىن ايتادى.
«حالىقتىڭ جاپپاي دەنى ساۋ بولۋى دەگەنىمىز وتە نازىك دۇنيە ەكەنىن بايقادىڭىزدار عوي. سوڭعى بىرنەشە جىل ىشىندە بالالار اراسىندا ۆاكتسينا الماعان بالالار كوبەيىپ كەتكەن سوڭ جاپپاي اۋرۋ تاراي باستادى»، - دەدى ءالنازاروۆا.
پىكىرلەر