رەسمي باق-تى ىعىستىرا وتىرىپ، ءانونيمدى ارنالاردىڭ كوپتىگىنە تاڭعالۋدىڭ قاجەتى جوق. بۇل تۋرالى ءماجىلىس دەپۋتاتى اسحات ايماعامبەتوۆ ايتتى، دەپ حابارلايدى «ادىرنا» ءتىلشىسى قازتاگ-قا سىلتەمە جاساپ.
«بارلىق باق قاجەت. ولاردىڭ ءبارى دە ماڭىزدى ءرول اتقارادى، اسىرەسە رەسمي مەديانى اتاپ ءوتۋ كەرەك. رەسمي باق-تى ىعىستىرا وتىرىپ، ءانونيمدى ارنانىڭ، ينفليۋەنسەر مەن بلوگەرلەردىڭ كوبەيۋىنە تاڭعالۋدىڭ قاجەتى جوق. جالپى باق دەگەن نە؟ ودا فاكتچەك، رەداكتسيالاۋ، ەتيكا بار. ءبىز باق-قا قىسىم جاساعان كەزدە مۇلدەم باسقا نارسە پايدا بولادى»،- دەدى ول جۇما كۇنى Astana open Dialogue-تە.
دەپۋتات باق-تى دايىن ەمەس سپيكەرلەردىڭ بەلگىلى ءبىر مالىمدەمەلەرى ءۇشىن كىنالى دەپ تانۋعا بولمايتىنىن مالىمدەدى.
«اقپارات ءبارىبىر شىعادى. ەگەر قاتە اقپارات پايدا بولسا، بۇل، ەڭ الدىمەن، كوممۋنيكاتسيامەن ماسەلە بار دەگەن ءسوز. جۋرناليستەردەن قاشساڭىز، جاۋاپ بەرۋگە دايىن بولماساڭىز، ءباسپاسوز حاتشىڭىز مىناۋ تۋرالى سۇرايدى دەپ الدىن-الا ەسكەرتپەگەن بولسا، باق-قا ايىپ تاعۋدىڭ قاجەتى جوق. ءسىز بۇل جاعداي ۇشىە ءوزىڭىزدى كىنالاۋىڭىز كەرەك. سوندىقتان، مەنىڭ ويىمشا، بۇقارالىق اقپارات قۇرالدارىندا ەشقانداي ماسەدە جوق. ءبىز، كەرىسىنشە، ولاردى بارلىق جاعىنان قورعاۋىمىز كەرەك. ەگەر اقپارات ءداستۇرلى مەديا ارقىلى پايدا بولسا، وندا بىزدە Telegram ارنالارى مەن باسقا دا رەسۋرستار ءوز اسەرىن جوعالتادى. سوندىقتان وسى باعىتتا جۇمىس ىستەۋىمىز ءتيىس دەپ ويلايمىن»،— دەدى ايماعامبەتوۆ.
