Resmı BAQ-ty yǵystyra otyryp, anonımdi arnalardyń kóptigine tańǵalýdyń qajeti joq. Bul týraly Májilis depýtaty Ashat Aımaǵambetov aıtty, dep habarlaıdy «Adyrna» tilshisi QazTAG-qa silteme jasap.
«Barlyq BAQ qajet. Olardyń bári de mańyzdy ról atqarady, ásirese resmı medıany atap ótý kerek. Resmı BAQ-ty yǵystyra otyryp, anonımdi arnanyń, ınflıýenser men blogerlerdiń kóbeıýine tańǵalýdyń qajeti joq. Jalpy BAQ degen ne? Oda faktchek, redakııalaý, etıka bar. Biz BAQ-qa qysym jasaǵan kezde múldem basqa nárse paıda bolady»,- dedi ol juma kúni Astana open Dialogue-te.
Depýtat BAQ-ty daıyn emes spıkerlerdiń belgili bir málimdemeleri úshin kináli dep tanýǵa bolmaıtynyn málimdedi.
«Aqparat báribir shyǵady. Eger qate aqparat paıda bolsa, bul, eń aldymen, kommýnıkaııamen másele bar degen sóz. Jýrnalısterden qashsańyz, jaýap berýge daıyn bolmasańyz, baspasóz hatshyńyz mynaý týraly suraıdy dep aldyn-ala eskertpegen bolsa, BAQ-qa aıyp taǵýdyń qajeti joq. Siz bul jaǵdaı úshie ózińizdi kinálaýyńyz kerek. Sondyqtan, meniń oıymsha, buqaralyq aqparat quraldarynda eshqandaı másede joq. Biz, kerisinshe, olardy barlyq jaǵynan qorǵaýymyz kerek. Eger aqparat dástúrli medıa arqyly paıda bolsa, onda bizde Telegram arnalary men basqa da resýrstar óz áserin joǵaltady. Sondyqtan osy baǵytta jumys isteýimiz tıis dep oılaımyn»,— dedi Aımaǵambetov.