اقمولا وبلىستىق حالىق شىعارماشىلىق جانە مادەني دەمالىس ورتالىعىنىڭ ۇيىمداستىرۋىمەن كوكشەتاۋ قالاسىندا كوكەن شاكەەۆتىڭ 100 جىلدىعىنا ارنالعان «جىرىمەن تەربەگەن كوكشەنىڭ كوكەنى» وبلىستىق جىرشىلار بايقاۋى ءوتىپ، ۇزدىكتەر ماراپاتتالدى.
قازاقى ءسوزدىڭ قادىر-قاسيەتىن جوعارى باعالاپ، شىعارمالارى ءسوز اسىلىن بىلۋگە، ورىندى قولدانۋعا، كوركەمدىگىن بارىنشا پايدالانا بىلۋگە ۇندەيتىن حالىق اقىنى كوكەن شاكەەۆتى ناسيحاتتاۋعا باعىتتالعان بايقاۋ ىرىكتەۋ جانە قورىتىندى كەزەڭدەردەن تۇردى. ىرىكتەۋ كەزەڭگە قورعالجىن، تسەلينوگراد، ارشالى، بۇلاندى، شورتاندى اۋداندارى مەن قوسشى قالاسىنان 12 جىرشى قاتىستى.
قازىلار القاسىنىڭ قۇرامىنا مىرزابەك قۇدايبەرلى راحىمبەكۇلى - اقىن-يمپروۆيزاتور، قازاقستان جازۋشىلار وداعىنىڭ مۇشەسى، «مادەنيەت سالاسىنىڭ ۇزدىگى» توسبەلگىسىنىڭ يەگەرى، اقمولا وبلىستىق تاريحي-ولكەتانۋ مۋزەيىنىڭ ديرەكتورى، قازىلار القاسىنىڭ توراعاسى; حاسەنوۆ سارسەنباي ورازۇلى- اقمولا وبلىسى مادەنيەت باسقارماسىنىڭ جانىنداعى «ۇكىلى ىبىراي اتىنداعى اقمولا وبلىستىق فيلارمونياسى» مەملەكەتتىك كوممۋنالدىق قازىنالىق كاسىپورنىنىڭ ءداستۇرلى ءانشىسى، حالىق اندەرىنىڭ شىعۋ تاريحىن زەرتتەۋشى; مۋكۋشەۆ كەنجەباي جانىبەكۇلى اقمولا وبلىسىنىڭ مادەنيەت باسقارماسىنىڭ مالىك عابدۋللين مۋزەيىنىڭ ديرەكتورى، ءداستۇرلى ءانشى ەندى.
قازىلار القاسىنىڭ شەشىمىمەن باس جۇلدەنى-200 مىڭ تەڭگەنىڭ سەرتيفيكاتىن ۇلدانا نۇرتۋعان (بۇلاندى اۋدانى) يەلەنسە، ءبىرىنشى ورىندى-150 مىڭ تەڭگەنىڭ سەرتيفيكاتىن بايان جۇبانوۆا (قورعالجىن اۋدانى), ەكىنشى ورىندى-100 مىڭ تەڭگەنىڭ سەرتيفيكاتىن ەلەش نۇرعيسا (بۇلاندى قالاسى), ءۇشىنشى ورىندى-80 مىڭ تەڭگەنىڭ سەرتيفيكاتىن ايسۇلۋ ىسقاقوۆا (ارشالى اۋدانى) جەڭىپ الدى.
بايقاۋ جەڭىمپازدارى مەن قاتىسۋشىلارى ديپلوم جانە اقشالاي سەرتيفيكاتپەن ماراپاتتالدى.
