Aqmola oblystyq halyq shyǵarmashylyq jáne mádenı demalys ortalyǵynyń uıymdastyrýymen Kókshetaý qalasynda Kóken Shákeevtiń 100 jyldyǵyna arnalǵan «Jyrymen terbegen Kóksheniń Kókeni» oblystyq jyrshylar baıqaýy ótip, úzdikter marapattaldy.
Qazaqy sózdiń qadir-qasıetin joǵary baǵalap, shyǵarmalary sóz asylyn bilýge, oryndy qoldanýǵa, kórkemdigin barynsha paıdalana bilýge úndeıtin halyq aqyny Kóken Shákeevti nasıhattaýǵa baǵyttalǵan baıqaý irikteý jáne qorytyndy kezeńderden turdy. Irikteý kezeńge Qorǵaljyn, elınograd, Arshaly, Bulandy, Shortandy aýdandary men Qosshy qalasynan 12 jyrshy qatysty.
Qazylar alqasynyń quramyna Myrzabek Qudaıberli Rahymbekuly - aqyn-ımprovızator, Qazaqstan Jazýshylar Odaǵynyń múshesi, «Mádenıet salasynyń úzdigi» tósbelgisiniń ıegeri, Aqmola oblystyq tarıhı-ólketaný mýzeıiniń dırektory, qazylar alqasynyń tóraǵasy; Hasenov Sársenbaı Orazuly- Aqmola oblysy mádenıet basqarmasynyń janyndaǵy «Úkili Ybyraı atyndaǵy Aqmola oblystyq fılarmonııasy» memlekettik kommýnaldyq qazynalyq kásipornynyń dástúrli ánshisi, halyq ánderiniń shyǵý tarıhyn zertteýshi; Mýkýshev Kenjebaı Jánibekuly Aqmola oblysynyń mádenıet basqarmasynyń Málik Ǵabdýllın mýzeıiniń dırektory, dástúrli ánshi endi.
Qazylar alqasynyń sheshimimen Bas júldeni-200 myń teńgeniń sertıfıkatyn Uldana Nurtýǵan (Bulandy aýdany) ıelense, birinshi oryndy-150 myń teńgeniń sertıfıkatyn Baıan Jubanova (Qorǵaljyn aýdany), ekinshi oryndy-100 myń teńgeniń sertıfıkatyn Elesh Nurǵısa (Bulandy qalasy), úshinshi oryndy-80 myń teńgeniń sertıfıkatyn Aısulý Ysqaqova (Arshaly aýdany) jeńip aldy.
Baıqaý jeńimpazdary men qatysýshylary dıplom jáne aqshalaı sertıfıkatpen marapattaldy.
