CodiPlay - جەتەكشى edtech ستارتاپىنا بۇۇ باس حاتشىسىنىڭ قولداۋىمەن Digital Public Goods Alliance (DPGA)* Digital Public Good (DPG) مارتەبەسى بەرىلدى. CodiPlay قازاقستانداعى وسى مارتەبەنى العان ءۇشىنشى كومپانيا بولدى، بۇل ونىڭ الەمدىك ءبىلىم بەرۋ تاجىريبەسىنە قوسقان ماڭىزدى ۇلەسىنىڭ كورسەتكىشى، دەپ حابارلايدى “ادىرنا” ۇلتتىق پورتالى DKNews.kz-كە سىلتەپ.
CodiPlay - بۇكىل الەمدەگى بالالاردىڭ ات (اقپاراتتىق تەحنولوگيالىق) ساۋاتتىلىعىن ارتتىرۋعا ارنالعان كەشەندى شەشىم. CodiPlay قولدانباسى قىزىقتى ءموبيلدى ويىندار ارقىلى Scratch, C++ جانە Python تىلدەرىندە باعدارلامالاۋدى ۇيرەنۋگە مۇمكىندىك بەرەدى. كومپانيا سونىمەن قاتار زاتتار ينتەرنەتى (IoT) جوبالارىن جاساۋعا ارنالعان CodiKits قوسىمشاسىن ۇسىنادى. ساندىق قوعامدىق يگىلىك رەتىندە تانىلعان CodiTeach ۆەب-پلاتفورماسى مۇعالىمدەرگە وقۋ باعدارلاماسىن ۇيىمداستىرۋعا ارنالعان قۇرالداردى قولدانۋعا مۇمكىندىك بەرەدى.
DPG مارتەبەسى بۇۇ تۇراقتى دامۋ ماقساتتارىنا (SDG) قول جەتكىزۋگە ۇلەس قوسا وتىرىپ، قۇپيالىلىق تۋرالى زاڭداردى ساقتاي وتىرىپ، قاتاڭ اشىقتىق پەن قولجەتىمدىلىك ستاندارتتارىنا سايكەس كەلەتىن جوبالارعا بەرىلەدى. CodiPlay-ءدىڭ DPG رەتىندە تانىلۋى ونىڭ ءبىلىم بەرۋدەگى تەڭ مۇمكىندىكتەردى ىلگەرىلەتۋدەگى ءرولىن اتاپ كورسەتەدى، ات ساۋاتتىلىعىن ورنالاسقان جەرىنە نەمەسە الەۋمەتتىك مارتەبەسىنە قاراماستان ءاربىر بالاعا قولجەتىمدى ەتەدى.
"بۇۇ-نان تسيفرلىق قوعامدىق يگىلىك مارتەبەسىن الۋ - ءبىزدىڭ كومپانيامىزدىڭ دامۋىنداعى ماڭىزدى كەزەڭ. ۇزاق ۋاقىتقا سوزىلعان پروتسەسكە قاراماستان، ءبىز ارقاشان ءوز ميسسيامىزعا - IT-ساۋاتتىلىقتى بارلىعىنا قولجەتىمدى ەتۋگە ادال بولدىق. بۇل مارتەبە ءبىزدىڭ پوزيتسيامىزدى نىعايتىپ قانا قويمايدى. دۇنيەجۇزىلىك ساحنادا، سونىمەن بىرگە بارلىعىنا ساپالى ءبىلىم بەرۋ جونىندەگى بۇۇ-نىڭ جاھاندىق ماقساتىنا قول جەتكىزۋگە ۇلەس قوسادى. ءبىز NURIS ورتالىعىنا وسى پروتسەستە كورسەتكەن قولداۋى مەن كومەگى ءۇشىن شىنايى العىسىمىزدى بىلدىرەمىز» دەدى CodiPlay نەگىزىن قالاۋشى، باس ديرەكتور ءجانادىل تالدىباەۆ.
بۇگىنگى تاڭدا CodiPlay سەگىز ەلدە 750 مىڭنان استام بالانى وقىتادى جانە ونى ينۆەستورلار 100 ميلليون دوللارعا باعالايدى.
