پرەمەردىڭ ورىنباسارى قازاقستاننىڭ تەمىرجول تاريفتەرى وزگەلەرگە قاراعاندا ارزان ەكەنىن ايتتى، دەپ حابارلايدى "ادىرنا" ۇلتتىق پورتالى.
ءبىرىنشى ۆيتسە-پرەمەر رومان سكليار Primeminister.kz سايتىنا سۇحبات بەردى. شەنەۋنىك ءوز سوزىندە لوگيستيكا جۇيەسىنە كىرەتىن تەمىرجولدار ەل ەكونوميكاسىنا جۇمىس ىستەيتىنىن اتاپ ءوتتى.
«قازىر بىزدە ءارتۇرلى ءونىم تۇرلەرىنە تاريفتەردىڭ 11 ءتۇرى بار، اتاپ ايتساق: الەۋمەتتىك ماڭىزى بار تاۋارلار، كومىر تاسىمالداۋ، استىق تاسىمالداۋ جانە باسقالارى. ءبىزدىڭ تاريفتەر كورشى مەملەكەتتەرگە قاراعاندا شامامەن 2 ەسە تومەن ەكەنىن ايتا كەتكەن ءجون»، — دەدى رومان سكليار.
ءبىرىنشى ۆيتسە-پرەمەر«قازاقستان تەمىر جولى»كاسىپورنىنان ارتىق تابىس الۋ كۇتىلىپ وتىرماعانىن جانە مەملەكەت ءوز تاراپىنان«ۇزاق مەرزىمگە نەسيەلەر»، تىكەلەي بيۋدجەتتىك قارجىلاندىرۋ، جەكە سالىمدار ارقىلى تەمىرجول ينفراقۇرىلىمىن ينۆەستيتسيامەن قامتاماسىز ەتەتىنىن ءسوز ەتتى.
