اقمولا وبلىسىنىڭ بۋراباي اكىمى سابىر جالمۇقانوۆقا ادەپ كودەكسىن بۇزعانى ءۇشىن قاتاڭ سوگىس جاريالاندى. اقمولا وبلىسىنىڭ پروكۋراتۋراسى اكىم تاراپىنان زاڭبۇزۋشىلىقتى انىقتاعان، دەپ حابارلايدى “ادىرنا” ۇلتتىق پورتالى.
“بۋراباي اۋىلىنىڭ اكىمى مەن جشس اراسىندا الاڭدى اباتتاندىرۋ بويىنشا مەملەكەتتىك ساتىپ الۋ تۋرالى كەلىسىم جاسالعان. كەلىسىمشارتتىق مىندەتتەمەلەردى ورىنداۋ بارىسىندا اكىم كاسىپكەردەن سمەتالىق قۇجاتتامادا قاراستىرىلماعان قوسىمشا جۇمىستاردى ورىنداۋدى تالاپ ەتكەن. ءوز كەزەگىندە كاسىپكەر تاپسىرىس بەرۋشىگە تاۋەلدى جاعدايدا بولعاندىقتان، بۇل جۇمىستاردىڭ ءبىر بولىگىن ورىنداۋعا ءماجبۇر بولعان”، – دەلىنگەن حابارلامادا.
سونداي-اق، اكىم ءوز ءىس-ارەكەتىمەن كاسىپكەرلىك سۋبەكتىسىنە 400 مىڭ تەڭگە ماتەريالدىق شىعىن كەلتىردى.
بۋراباي اۋدان اكىمىنىڭ وكىمىمەن بۋراباي اۋىلىنىڭ اكىمىنە "قاتاڭ سوگىس" تۇرىندەگى تارتىپتىك جازا قولدانىلدى.
