الماتى وبلىسىندا جول قوزعالىسى ەرەجەسىن ورەسكەل بۇزعان كورتەج قاتىسۋشىلارى ۇستالدى، دەپ حابارلايدى “ادىرنا” ۇلتتىق پورتالى قر ءىىم رەسمي ينتەرنەت-رەسۋرسىنا سىلتەپ.
«الماتى وبلىسىندا پوليتسەيلەر جول قوزعالىسى ەرەجەلەرىن ورەسكەل بۇزعان كورتەج قاتىسۋشىلارىن ۇستادى. كولىكتەر ارنايى تۇراققا قويىلدى»، - دەلىنگەن سەنبى كۇنى حابارلامادا.
اقپاراتقا سايكەس، جۇرگىزۋشىلەر قارسى جولاققا شىعىپ كەتۋ، جولاۋشىلاردى تاسىمالداۋ جانە قاۋىپسىزدىك بەلدىكتەرىن پايدالانۋ تالاپتارىن ساقتاماۋ، مانەۆر جاساۋ ەرەجەلەرىن بۇزۋ، توتەنشە جاعداي تۋعىزۋ، كولىك قۇرالىن باسقارۋعا رۇقسات ەتىلمەگەن كولىك قۇرالىن باسقارۋ سياقتى كوپتەگەن بۇزۋشىلىقتار ءۇشىن جاۋاپكەرشىلىككە تارتىلدى.
«كولىك قۇرالدارىندا جولاۋشىلاردى قاۋىپسىز تاسىمالداۋ تالاپتارىن بۇزعان كامەلەتكە تولماعان جولاۋشىلاردىڭ اتا-انالارىنا ءوز بالالارىن تاربيەلەۋ، وقىتۋ جانە قۇقىقتارى مەن مۇددەلەرىن قورعاۋ جونىندەگى مىندەتتەردى تيىسىنشە ورىنداماعانى ءۇشىن اكىمشىلىك شارا قولدانىلدى»، - دەلىنگەن حابارلامادا.
حابارلانعانداي، بۇعان دەيىن ىشكى ىستەر مينيسترلىگى كامەلەتكە تولماعانداردىڭ اتا-انالارى مەن تۋىستارىنا وقۋ جىلىنىڭ اياقتالۋى كەزىندە جانە اياقتالعاننان كەيىن زاڭدىلىقتى قاتاڭ ساقتاۋ، سونداي-اق مەكتەپ وقۋشىلارىنىڭ قاۋىپسىزدىگىن قامتاماسىز ەتۋ قاجەتتىگى تۋرالى ءوتىنىش جاساعان بولاتىن.
«كوشەلەردە ءوزىن-ءوزى ۇستاۋ جانە جول قوزعالىسى ەرەجەلەرىن ساقتاۋ تالاپتارىن ەلەمەۋ قايعىلى سالدارعا اكەلەتىنىن ەسكە سالامىز»، - دەپ ەسكەرتەدى ءىىم.
