Almaty oblysynda jol qozǵalysy erejesin óreskel buzǵan kortej qatysýshylary ustaldy, dep habarlaıdy “Adyrna” ulttyq portaly QR IIM resmı ınternet-resýrsyna siltep.
«Almaty oblysynda polıeıler jol qozǵalysy erejelerin óreskel buzǵan kortej qatysýshylaryn ustady. Kólikter arnaıy turaqqa qoıyldy», - delingen senbi kúni habarlamada.
Aqparatqa sáıkes, júrgizýshiler qarsy jolaqqa shyǵyp ketý, jolaýshylardy tasymaldaý jáne qaýipsizdik beldikterin paıdalaný talaptaryn saqtamaý, manevr jasaý erejelerin buzý, tótenshe jaǵdaı týǵyzý, kólik quralyn basqarýǵa ruqsat etilmegen kólik quralyn basqarý sııaqty kóptegen buzýshylyqtar úshin jaýapkershilikke tartyldy.
«Kólik quraldarynda jolaýshylardy qaýipsiz tasymaldaý talaptaryn buzǵan kámeletke tolmaǵan jolaýshylardyń ata-analaryna óz balalaryn tárbıeleý, oqytý jáne quqyqtary men múddelerin qorǵaý jónindegi mindetterdi tıisinshe oryndamaǵany úshin ákimshilik shara qoldanyldy», - delingen habarlamada.
Habarlanǵandaı, buǵan deıin Ishki ister mınıstrligi kámeletke tolmaǵandardyń ata-analary men týystaryna oqý jylynyń aıaqtalýy kezinde jáne aıaqtalǵannan keıin zańdylyqty qatań saqtaý, sondaı-aq mektep oqýshylarynyń qaýipsizdigin qamtamasyz etý qajettigi týraly ótinish jasaǵan bolatyn.
«Kóshelerde ózin-ózi ustaý jáne jol qozǵalysy erejelerin saqtaý talaptaryn elemeý qaıǵyly saldarǵa ákeletinin eske salamyz», - dep eskertedi IIM.
