جىل سايىن سەمەيدە ۇلتتىق دومبىرا كۇنى كەڭىنەن اتالىپ وتىلەدى. مەيرام قارساڭىندا پەرينيتارلىق ورتالىقتا دۇنيەگە كەلگەن سابيگە ۇلتتىق اسپاپ سىيعا تارتىلدى. بۇل سىيلىقتى قالالىق دوستىق ءۇيى جاسادى.
- ءتورتىنشى بالاسىن دۇنيەگە اكەلگەن ءسابيدىڭ اناسىن شىن جۇرەكتەن قۇتتىقتاپ، دومبىرا كۇنىنە وراي ۇلتتىق اسپاپتى سىيلايمىز، - دەدى قالالىق دوستىق ءۇيىنىڭ باسشىسى نادەجدا شاروۆا.
قۋانىش يەسى جارما اۋدانى شار قالاسىنىڭ تۇرعىنى الميرا راحمەتجانوۆا ءسابيىنىڭ ەسىمىن زاڭعار دەپ قويدى. ول بالاسىنىڭ ءدال مەرەكە كۇنى دۇنيەگە كەلەتىنىن كۇتپەگەنىن ايتتى.
- دومبىرا مەيرامى كۇنى دۇنيەگە كەلگەن بالامنىڭ مۋزىكانت بولادى دەگەن كوپتىڭ ىستىق لەبىزدەرىن ەستىپ قاتتى قۋانىپ جاتىرمىن. الايدا، ونى بولاشاقتا ادىلدىكتىڭ نىشانى بولسىن، سوت توراعاسى بولسىن دەپ ەسىمىن ىرىمداپ زاڭعار دەپ قويدىق،- دەدى ا. راحمەتجانوۆا.
پەرينيتارلىق ورتالىقتىڭ ۇجىمى دا شەت قالماي، سابيگە بالا توسەگىن سىيلادى.
مەرەكەلىك شارا «بەيبىتشىلىك» ارالىندا جالعاسىن تاپتى. 200-جۋىق دومبىراشىلار 7 تانىمال كۇيدى ورىنداپ، حالىقتى ونەرلەرىمەن ءتانتتى ەتتى. قالا تۇرعىندارى اباي مەن قۇرمانعازىنىڭ شىعارمالارىن تىڭداپ قانا قويماي، دومبىرا اسپابىنا ارنالعان ماستەر-كلاستارعا قاتىسىپ، مۋزىكالىق اسپاپتاردىڭ كورمەسىن تاماشالادى.
ال، كەش سوڭى ەرتىستىڭ وڭ جاعالاۋىندا وتەتىن «ياركوكروسس»، «اسىق» جانە «دومبىرا party» جاستار مارافونىمەن ءتامامدالاتىن بولادى.
"ادىرنا" ۇلتتىق پورتالى
