ءۇش مىڭنان استام اقمولالىقتار كۇن سايىن حالىقتىڭ دامۋىنا رۋحاني ۇلەس قوساتىن مادەنيەت جانە ونەر سالاسىندا جۇمىس ىستەيدى.
بۇگىن كوكشەتاۋدا كاسىبي مەرەكە قۇرمەتىنە ءومىرى شىعارماشىلىقپەن ۇزدىكسىز بايلانىستى ادامدار قۇرمەتكە يە بولدى.
ءىس-شاراعا اقمولا وبلىسىنىڭ اكىمى مارات احمەتجانوۆ، ارداگەرلەر مەن ونەر جانە مادەنيەت ۇزدىكتەرى قاتىستى.
ءوڭىر باسشىسى ءوزىنىڭ قۇتتىقتاۋ سوزىندە مادەنيەت — حالىقتىڭ جانى، ال حالىق مادەنيەتى — تاريحتىڭ كورىنىسى ەكەنىن اتاپ ءوتتى.
«ءبىزدىڭ مەملەكەت ارقاشان مادەنيەت پەن ونەرگە ەرەكشە كوڭىل بولەدى. مەملەكەت باسشىسى قاسىم-جومارت كەمەلۇلى توقاەۆ ۇلتتىق قۇرىلتايدىڭ ەكىنشى وتىرىسىندا سويلەگەن سوزىندە ءبىز مادەني مۇرامىزدى جان-جاقتى دارىپتەۋىمىز قاجەت. مادەنيەت – ەڭ ىزگى قاسيەتتى قۇندىلىق. بابامىزدان تاپسىرىلعان اسىل مۇرا. ءبىزدىڭ مادەنيەتىمىز باي. بۇل ءبىرجان سال، اقان سەرى، ۇكىلى ىبىراي مۇرالارى. ولاردىڭ جوعارى دەڭگەيىن ءبىزدىڭ زامانداستارىمىز يران سال تاسقارا، قاپاش قۇلىشەۆا، بايانعالي مەن نۇرلان ءالىمجانوۆتار جانە باسقالار جالعاستىردى»، - دەدى وبلىس اكىمى.
مادەنيەت ينفراقۇرىلىمىن دامىتۋعا ەرەكشە كوڭىل بولىنۋدە. وڭىردە 600-گە جۋىق مەكەمە جۇمىس ىستەيدى. سوڭعى 3 جىلدا 9 وبەكتى سالىنىپ، 55 وبەكتى جوندەلدى. بيىلعى جىلى 6,2 ملرد تەڭگەگە 27 مادەنيەت وبەكتىسىنىڭ قۇرىلىسىن سالۋ مەن جوندەۋ قارجىلاندىرىلدى.
كەزدەسۋ بارىسىندا مادەنيەتتى دامىتۋعا قوسقان ۇلەسى ءۇشىن وسى سالانىڭ قىزمەتكەرلەرى مەملەكەتتىك ناگرادالارمەن، العىس حاتتارمەن ماراپاتتالدى.
