Úsh myńnan astam aqmolalyqtar kún saıyn halyqtyń damýyna rýhanı úles qosatyn mádenıet jáne óner salasynda jumys isteıdi.
Búgin Kókshetaýda kásibı mereke qurmetine ómiri shyǵarmashylyqpen úzdiksiz baılanysty adamdar qurmetke ıe boldy.
Is-sharaǵa Aqmola oblysynyń ákimi Marat Ahmetjanov, ardagerler men óner jáne mádenıet úzdikteri qatysty.
Óńir basshysy óziniń quttyqtaý sózinde mádenıet — halyqtyń jany, al halyq mádenıeti — tarıhtyń kórinisi ekenin atap ótti.
«Bizdiń memleket árqashan mádenıet pen ónerge erekshe kóńil bóledi. Memleket Basshysy Qasym-Jomart Kemeluly Toqaev Ulttyq quryltaıdyń ekinshi otyrysynda sóılegen sózinde biz mádenı muramyzdy jan-jaqty dáripteýimiz qajet. Mádenıet – eń izgi qasıetti qundylyq. Babamyzdan tapsyrylǵan asyl mura. Bizdiń mádenıetimiz baı. Bul Birjan Sal, Aqan seri, Úkili Ybyraı muralary. Olardyń joǵary deńgeıin bizdiń zamandastarymyz Iran sal Tasqara, Qapash Qulysheva, Baıanǵalı men Nurlan Álimjanovtar jáne basqalar jalǵastyrdy», - dedi oblys ákimi.
Mádenıet ınfraqurylymyn damytýǵa erekshe kóńil bólinýde. Óńirde 600-ge jýyq mekeme jumys isteıdi. Sońǵy 3 jylda 9 obekti salynyp, 55 obekti jóndeldi. Bıylǵy jyly 6,2 mlrd teńgege 27 mádenıet obektisiniń qurylysyn salý men jóndeý qarjylandyryldy.
Kezdesý barysynda mádenıetti damytýǵa qosqan úlesi úshin osy salanyń qyzmetkerleri memlekettik nagradalarmen, alǵys hattarmen marapattaldy.
