الماتىدا ءدىني ۇيىمدار بىرىگىپ، سۋ تاسقىنىنان زارداپ شەككەندەرگە كومەك كورسەتتى. يگى باستاما، ەرەكشە ىنتىماقتاستىقتىڭ ۇلگىسى رەتىندە ءدىني بىرلەستىكتەر كوشباسشىلارى كلۋبىنىڭ مۇرىندىق بولۋىمەن جۇزەگە استى.
«الماتى قالاسىنىڭ ءدىن ىستەرى باسقارماسى الماتى كلۋبىنىڭ الاڭىندا بىرىگىپ، زارداپ شەككەندەرگە قولدان كەلگەنشە كومەك كورسەتۋ تۋرالى باستاما كوتەردى. قاتىسۋشىلاردىڭ باسىم بولىگى ءبىزدى قولدادى جانە ناتيجەسىندە قىسقا مەرزىمدە 8 720 000 تەڭگە جينالدى. قايىرىمدىلىققا ءارتۇرلى ءدىني كونفەسسيالاردىڭ وكىلدەرى، اتاپ ايتساق، مۇسىلماندار، بۋدديستەر، مورموندار، كريشنالار، پروتەستانتتىق كونفەسسيالاردىڭ وكىلدەرى ءوز ۇلەستەرىن قوستى»، - دەپ اتاپ ءوتتى الماتى قالاسى ءدىن ىستەرى باسقارماسىنىڭ باسشىسى نۇرلان كيكيموۆ.
جينالعان قاراجاتقا زارداپ شەككەن ازاماتتار ءۇشىن 68 بىرلىك تۇرمىستىق تەحنيكا ساتىپ الىندى. كومەك اتاۋلى تۇردە كورسەتىلدى. ۇيىمداستىرۋشىلار زارداپ شەككەندەردىڭ قاجەتتىلىكتەرىن ەسكەرۋگە تىرىستى.
ايتا كەتۋ كەرەك، كوپتەگەن ءدىني بىرلەستىكتەر قايىرىمدىلىق كومەكتى وزدەرى جۇزەگە اسىردى، ال بۇل اكتسيا جوعارىدا وتكەن شارالاردىڭ ءىزىن جالعادى.
اكتسيانى ىسكە اسىرۋعا سونداي-اق، ۇيىمداستىرۋعا «Social Development Center» قوعامدىق قورى اتسالىستى. سونىمەن قاتار سولتۇستىك قازاقستان وبلىسىندا قايىرىمدىلىق ناۋقانىن وتكىزۋگە «دەمەۋ» بالالىق شاق ماسەلەلەرى جونىندەگى ۇيلەستىرۋ ورتالىعى» جمۋ جانە سولتۇستىك قازاقستان وبلىسىنىڭ ءدىن ىستەرى باسقارماسى بەلسەندى قاتىستى.
تومەندە قايىرىمدىلىق كومەك كورسەتكەن ۇيىمداردىڭ ءتىزىمى بەرىلگەن:
- الماتى قالاسىنىڭ ورتالىق مەشىتى (قمدب).
- يسا ءماسىحتىڭ سوڭعى كۇنگى اۋليەلەر شىركەۋى.
- الماتى قالاسىنداعى «ءومىر كوزى» حريستيان ەۆانگەليالىق ەلۋىنشى كۇندىك شىركەۋى.
- «جاڭا ءومىر» ەۆانگەليالىق سەنىم حريستياندارىنىڭ شىركەۋى.
- الماتى قالاسىنداعى حريستيان جاڭا اپوستولدىق شىركەۋى.
- ءىنجىل حريستياندارى باپتيستەرىنىڭ «كالۆاري» شىركەۋىنىڭ ورتالىعى.
- اۋليە ەلشىلەر پەتر مەن پاۆەلدىڭ ەۆانگەليالىق-ليۋتەراندىق شىركەۋى.
- «اگاپە» ەۆانگەليالىق حريستيان شىركەۋى.
- الماتى قالاسىنىڭ كريشنا سانا قوعامى.
- «الماگۇل» پرەسۆيتەريان شىركەۋى.
- «ۆون بۋدديستەر» الماتى شىركەۋى.
- «سۋن بوك ىم» الماتى ەۆانگەليالىق حريستيان شىركەۋى.
- «قۇداي ءسوزى» تولىق ءىنجىل حريستيان شىركەۋى.
- الماتى قالاسىنىڭ جەتىنشى كۇنىندەگى ادۆەنتيست حريستيانداردىڭ جەرگىلىكتى شىركەۋى.
- «Social Development Center» قوعامدىق قورى.
