Almatyda dinı uıymdar birigip, sý tasqynynan zardap shekkenderge kómek kórsetti. Igi bastama, erekshe yntymaqtastyqtyń úlgisi retinde Dinı birlestikter kóshbasshylary klýbynyń muryndyq bolýymen júzege asty.
«Almaty qalasynyń Din isteri basqarmasy Almaty klýbynyń alańynda birigip, zardap shekkenderge qoldan kelgenshe kómek kórsetý týraly bastama kóterdi. Qatysýshylardyń basym bóligi bizdi qoldady jáne nátıjesinde qysqa merzimde 8 720 000 teńge jınaldy. Qaıyrymdylyqqa ártúrli dinı konfessııalardyń ókilderi, atap aıtsaq, musylmandar, býddıster, mormondar, krıshnalar, protestanttyq konfessııalardyń ókilderi óz úlesterin qosty», - dep atap ótti Almaty qalasy Din isteri basqarmasynyń basshysy Nurlan Kıkımov.
Jınalǵan qarajatqa zardap shekken azamattar úshin 68 birlik Turmystyq tehnıka satyp alyndy. Kómek ataýly túrde kórsetildi. Uıymdastyrýshylar zardap shekkenderdiń qajettilikterin eskerýge tyrysty.
Aıta ketý kerek, kóptegen dinı birlestikter qaıyrymdylyq kómekti ózderi júzege asyrdy, al bul akııa joǵaryda ótken sharalardyń izin jalǵady.
Akııany iske asyrýǵa sondaı-aq, uıymdastyrýǵa «Social Development Center» qoǵamdyq qory atsalysty. Sonymen qatar Soltústik Qazaqstan oblysynda qaıyrymdylyq naýqanyn ótkizýge «Demeý» balalyq shaq máseleleri jónindegi úılestirý ortalyǵy» JMÝ jáne Soltústik Qazaqstan oblysynyń din isteri basqarmasy belsendi qatysty.
Tómende qaıyrymdylyq kómek kórsetken uıymdardyń tizimi berilgen:
- Almaty qalasynyń ortalyq meshiti (QMDB).
- Isa Másihtiń Sońǵy Kúngi Áýlıeler Shirkeýi.
- Almaty qalasyndaǵy «ómir kózi» Hrıstıan Evangelııalyq elýinshi kúndik shirkeýi.
- «Jańa ómir» Evangelııalyq senim hrıstıandarynyń shirkeýi.
- Almaty qalasyndaǵy hrıstıan Jańa apostoldyq shirkeýi.
- Injil Hrıstıandary Baptısteriniń «Kalvarıı» Shirkeýiniń Ortalyǵy.
- Áýlıe elshiler Petr men Paveldiń Evangelııalyq-lıýterandyq shirkeýi.
- «Agape» Evangelııalyq hrıstıan shirkeýi.
- Almaty qalasynyń Krıshna sana qoǵamy.
- «Almagúl» Presvıterıan Shirkeýi.
- «Von býddıster» Almaty shirkeýi.
- «Sýn Bok Ym» Almaty Evangelııalyq Hrıstıan Shirkeýi.
- «Qudaı Sózi» Tolyq Injil Hrıstıan Shirkeýi.
- Almaty qalasynyń jetinshi kúnindegi adventıst hrıstıandardyń jergilikti shirkeýi.
- «Social Development Center» qoǵamdyq qory.
