ەلىمىزدە سۋ تاسقىنىمەن كۇرەسۋ ءۇشىن جاپوندىقتارمەن بىرلەسە وتىرىپ، جۇمىس جۇرگىزەدى، دەپ حابارلايدى "ادىرنا" ۇلتتىق پورتالى.
سۋ رەسۋرستارى جانە يرريگاتسيا مينيسترلىگى قازاقستان مەن جاپونيانىڭ گيدروتەحنيكالىق قۇرىلىستاردى نىعايتۋ بويىنشا بىرلەسكەن جۇمىس جۇرگىزەتىنىن مالىمدەدى. سۋ تاسقىنىنا بايلانىستى جۇمىستاردى وسى جىلدىڭ ماۋسىم ايىندا باستاۋ جوسپارلانعان.
ۆەدومستۆو مالىمەتىنشە، جاپونيانىڭ جەر، ينفراقۇرىلىم، كولىك جانە تۋريزم مينيسترلىگىمەن بىرلەسىپ جۇمىس ىستەي الاتىنىن جەتكىزدى. تاعى ءبىر نۇسقا – جاپوندىق حالىقارالىق ىنتىماقتاستىق اگەنتتىگىمەن (JICA) بىرلەسۋ. JICA اگەنتتىگى وسى جىلدىڭ ماۋسىم ايىندا تەحنيكالىق قولداۋ كورسەتۋگە دايىن ەكەنىن بىلدىرگەن.
"قازاقستان تاراپىنان سۇرانىسقا جەدەل جاۋاپ بەرگەن جاپوندىق ارىپتەستەرىمىزگە العىس ايتامىن. ءبىز جۇمىستى باستاۋ ءۇشىن بارلىق قاجەتتى دەرەكتەردى بەرۋگە دايىنبىز. قازىر ءبىزدىڭ ساراپشىلار نىساندارعا العاشقى تەكسەرۋلەر جۇرگىزۋدە. زاماناۋي جاپوندىق تەحنولوگيالار قاجەتتى جۇمىس كولەمىن ءدال انىقتاۋعا مۇمكىندىك بەرەدى",- دەپ اتاپ ءوتتى سۋ رەسۋرستارى جانە يرريگاتسيانىڭ مينيسترلىگىنىڭ ءبىرىنشى ۆيتسە-ءمينيسترى بولات بەكنياز.
